ڕحا

دەم پارتی لە ناوچەی پیرسوسی ڕحا چوونە سەردانی ئەمینە شەنیاشار. کاندیدی هاوسەرۆکی شارەوانی دەم پارتی لە پیرسوس ئایتن کایا و چەند نوێنەری ڕێکخراو مەدەنی لە سەردانەکە بوون. ئەمینە شەنیشار تیشکی خستەسەر تێکۆشانی دادپەروەری کە ٦ ساڵ بەردەوام بوو، ڕایگەیاند لە هەفتەی یەکەمی ئادار دەست بە چالاکییەکە دەکاتەوە. ئەمینە ڕایگەیاند تا ئازادبوونی کوڕەکەی و سزادانی تاوانباران تێکۆشانی دادپەروەری بەردەوامە، هەروەها ئایتن کایا پشتیوانی بۆ بنەماڵەی شەنیاشار دەربڕی.

وێرانشار

کاندیدانی هاوسەرۆکی شارەوانی دەم پارتی لە وێرانشار بەدریە یۆرگون و سەرحەد دیجلە سەردانی پیشەوەرانیان کرد و گوێبیستی داواکاریەکانیان کرد و ڕایگەیاند شارەوانییەکەی بندەستی ئاکەپە خزمەتی بەوان نەکردووە. دووپاتیان کردەوە چیتر دەنگ بە ئاکەپە نادەنەوە. بەدریە یۆرگون ڕایگەیاند کێشەی پیشەوەران بە بەڕێوەبردنی دەم پارتی چارەسەر دەبێت، پێکەوە سەردەکەوین و بەڕێوەدەبەین.  

ئامەد

دەم پارتی لە ناوچەی حەزرۆی ئامەد نووسینگەی هەڵبژاردنی کردەوە. هاوسەرۆکی دەم پارتی ئامەد پینار ساکیک تەکین، کاندیدی شارەوانی مەزنی ئامەد دۆگان خاتون و پەرلەمانتاران عەدالەت کایا و سەرحەد ئەرەن بەشداربوون. شاندەکە پێشوازییەکی گەرمیان لێ کرا. پینار ساکیک تەکین گوتی: "هێز و باوەڕمان ڕۆژ بە ڕۆژ زیاتر دەبێت، لەم هەڵبژاردنە سەردەکەوین".

پەرلەمانتار سەرحەد ئەرەن ڕایگەیاند هەڵبژاردنی ٣١ ی ئادار مێژووییە، هەرگیز ڕێگە نادەین ئیرادەمان بشکێنن. کاندیدی هاوسەرۆکی شارەوانی حەزرۆ، حەسیبە یازدیک ڕایگەیاند ئێرە خاک و وڵاتی ئێمەیە، بەردێک بۆ ئەوان جێناهێڵین. پاشان نووسینگەکە کرایەوە و ئامادەبووان هەڵپەڕین.

ئیستەنبوڵ

کاندیدی هاوسەرۆکی شارەوانی مەزنی ئیستەنبوڵی دەم پارتی، مەراڵ دەنیش بەشتاش لە بینای پارتەکە لە سوڵتانغازی لەگەڵ ژنان کۆبووەوە، ژنان بە بەرزکردنەوەی ئاڵا و بەرزکردنەوەی درووشمی "ژن، ژیان، ئازادی"یان بەرزکردەوە.

مەراڵ دووپاتی کردەوە پارادایمی ئازادی ژنان خاڵی جیاکەرەوەی پارتەکەیانە لە پارتەکانی تر و گوتی: "بەبێ ئازادی ژن، جڤاک ئازاد نابێت. کاتێک دەڕوانینە گوتاری پارتەکانی تر هەرگیز ژن نابینینەوە. هەرگیز دەنگ و هەبوونی ژنان نابینین. تەنها ئیدارەی پیاوان دەبینین. ڕێژەی ژن لە هیچ پارتێک ١٠ تێناپەڕێنێت، بەڵام نوێنەرایەتی ژنان لەنێو دەم پارتی ٥٠٪ دەبێت، ئێمە هەموومان توخمە جیاوازەکانی نەتەوەی دیموکراتیکین. نەتەوەی دیموکراتیک و هاوڵاتی هاوبەش لە ئەستەنبوڵ جێبەجێ دەکەین. تا ٣١ی ئازار لە ماڵی هەمووان میوان دەبین. بۆ کۆتایی هاتنی زوڵم و ستەم و دەسەڵاتی تاکە کەسی و بۆ ئیدارەی هەرێمی دیموکراتیک لەگەڵ گەل کۆدەبینەوە. ئێمە دەڵێین "ئێمە هەین" ئێمە هەین و درێژە بە تێکۆشان دەدەین".