لە چالاکی ئێشکگریدا کە لە دژی سەپاندنی قەیوم لە پێش شارەوانی ئاکدەنیزی مێرسین دەستپێکراوە، ماوەی ١٥ ڕۆژه بەردەوامە لە چالاکییەکەدا پەڕلەمانتارانی دەم پارتی، نوێنەرانی ڕێکخراوەکانی کۆمەڵگەی مەدەنی بەشداربوون و لە چالاکییەکەدا وێڕای شەرمەزارکردنی قەیوم بە پانکارتی "بژی بەرخۆدانی ڕۆژئاوا" پشتیوانی لە بەرخۆدانەکانی گەل بە ندوای تشرین دەربڕا.

لە چالاکییەکەدا هاوسەرۆکی ئاکدەنیزی دەم پارتی نزار ئەسەن قسەیکرد و جەختیکردەوە بە هەموو شێوەیەک لە دژی سەپاندی قەیوم لە تێکۆشانیان بەردەوام دەبن و گەمارۆدانی شارەوانی ئاکدەنیز لە لایەن پۆلیسی دەوڵەتی تورکەوە شەرمەزار کرد.

هاوسەرۆکی دەم پارتی یەنیشەهیر عەلی مادەن گوتی: "قەیوم کودەتایە، دەستبەسەرداگرتنی ئیرادەی گەلە. با قەیوم کۆتایی پێ بهێنرێت". هەروەها مادەن داوای کرد هێرشەکان لەسەر باکوور و ڕۆژهەڵاتیی سووریا ڕابووەستێنرێت.

لە دایکانی ئاشتی ڕازییە سۆنەر ئاماژەی بەوەکرد کە تێکۆشانیان لە دژی قەیوم و هێرشەکان بەردەوامە. دووپاتی کردەوە کە دەستبەسەرداگرتنی ئیرادە قبوڵ ناکەن و گوتی: "ئێمە کۆتاییمان نایەت".

ڕازییە سونەر بانگەوازی لە پۆلیسەکان کرد و گوتی: "سەری ئێمەی دایکان بەرزە. دزیمان نەکردوە. بە ئیرادەی خۆمان شارەوانیمان بە دەست هێنا. تاوەکو کۆتایی تێدەکۆشین".