لە سەنتەری شاری بێرمینگهامی بەریتانیا ، بە ئامادەبوونی ژمارەیەکی زۆری ڕەوەندی کوردی کە لە سەرجەم شارەکانی وڵاتی بەریتانیاوە هاتبوون، ئەنجومەنی چالاکیەکانی کوردانی بەریتانیا، یادی چواردەساڵەی تیرۆرکردنی سۆرانی مامە حەمەی کردەوە .
لە میانەی بەرز ڕاگرتنی ساڵڕۆژی تیرۆر کردنی سۆرانی مامەحەمە ئەنجومەنی چالاکیەکانی کوردانی بەریتانیا بە توندی ئیدانەی تیرۆرکردنی سۆرانی مامە حەمە و پێشێلکردنی ئازادی ڕادەربڕین و ئازادی کاری ڕۆژنامەنووسی کرد .
ئامادەبووان بەجۆش و خرۆشەوە دروشمی دژ بە بکوژانی سۆرانیان وتەوە و دەسەڵاتی یەکێتی و پارتیان شەرمەزار کرد .
لەبەشێکی تری مەراسیمەکەدا ئەنجومەنی چالاکیەکان جەختی کردوەوە کەوا بەردەوام دەبێت لە چالاکیەکانی ، بەهەموو توانای خۆیەوە بەشێوازی مەدەنی و یاسایی ڕێپێدراو لە بەگژداچوونەوەی ستەمکاری دەسەڵاتی کوردی و لە سەنگەری بەرگری لە مافی خەڵکی کوردستان درێژە بە چالاکی و خەباتی خۆی دەدات .
ئەوەی جێی سەرنج بوو ،جیاواز لە جارەکانی تر ژمارەیەکی زۆری ڕەوندی کوردی ئامادە بوون و جۆش و خرۆشیان بۆ زیندوو ڕاگرتنی یادی تیرۆرکردنی سۆران و ئیدانە و ڕسواکردنی بکوژانی یەجگار زۆر بوو.
ف.ق
