ئەنجوومەنی ژنانی کوردی ئاڤێستا لە شاری ڤییەنای پایتەختی نەمسا بە رێکخستنی چالاکییەک هێرشە داگیرکەرییەکانی دەوڵەتی تورک-یان بۆ سەر باشووری کوردستان ئیدانە کرد.

چالاکییەکە لە بەردەم بارەگای نەتەوە یەکگرتووەکان رێکخرابوو و تیایدا راگەیاندرا، "بێدەنگی ئێوە بەرامبەر بە داگیرکەریی دەوڵەتی تورک هاوکاریکردنی ئێوەیە بۆ ئەو داگیرکەرییە".

لە چالاکییەکەدا لە دژی هێرشە داگیرکەرییەکان دروشم وترایەوە و ئاماژە بەو هێرشە داگیرکەری و پاکتاوکارییانە کرا، کە ئاکەپە – مەهەپە لە دژی گەلی کورد و لە کوردستاندا ئەنجامی دەدەن.

چالاکوانان لەو بارەیەوە دۆسیەیەکیان رادەستی نەتەوە یەکگرتووەکان کرد و بە وتنەوەى دروشمەکانی "بژی سەرۆک ئاپۆ" و "بژی بەرخودانی گەریلا" کۆتاییان بە چالاکییەکەیان هێنا.

ژ.ت