لە شاری لاری ئەڵمانیا ساڵیادی ڕزگارکردنی کۆبانێ لە دەستی تیرۆریستانی داعش بە ئاهەنگێک پیرۆزکرا.

چالاکییەکە لەلایەن ئەنجوومەنی ژنانی شەهید نودا کارکەر و ئەنجوومەنەکانی گەلی فرایبۆرگ و لار ئەنجامدرا و هۆڵەکە وێنەی ڕێبەر ئاپۆ و شەهید ئارین میرکان و ئاڵای یەپەگە و یەپەژە و تەژەکە_ئە ڕازێنرایەوە.

پاش خولەکێک ڕێزگرتن لە شەهیدان، پەیامی ڤیدیۆیی فەرماندەی ناوەندی یەپەژە سۆزدار دێرک نیشاندرا، تیشکی خستەسەر هێرشی دەوڵەتی تورک و چەتەکانی بۆ سەر ڕۆژئاوا و ڕایگەیاند هێزی ئەوەیان هەیە دوژمن بشکێنن، گوتی: "گیانی خۆمان دەکەینە قەڵغان و ناهێڵین داگیرکەران ڕۆژئاوا و کوردستان داگیربکەن، چونکە ئێمە خاوەن فەلسەفە و ئیرادەی ڕێبەر ئاپۆین".

چالاکییەکە بە گۆرانی و هەڵپەڕکێ بەردەوام بوو.

ئاهەنگەکە بە بەرزکردنەوەی درووشمی "شەهید نامرن" و "بژی سەرۆک ئاپۆ" و "بژی بەرخۆدانی ڕۆژئاوا" کۆتایی هات.