٣ بارمتەی ئیسرائیلی بە ناوەکانی ڕۆمی گۆنین و ئیمیلی دەماری و دۆرۆن ستێنبرێچەر کە زیاتر لە ١٥ مانگە لە بندەستی حەماس بوون، ئەمڕۆ ئازادکران. چاوەڕوان دەکرێت ئیسرائیل لە چەند کاتژمێری داهاتوودا نزیکەی ٩٠ زیندانی فەڵەستینی ئازاد بکات.
٣ بارمتەی ئیسرائیلی ڕۆمی گۆنین (٢٤ ساڵ) و ئیمیلی دەماری (٢٨ ساڵ) و دۆرۆن ستێنبرێچەر (٣١ ساڵ) ئازادکران.
سێ بارمتەی کە لە هێرشی ٧ ی تشرینی یەکەمی ٢٠٢٣ ڕفێنرابوون، ڕادەستی شاندی خاچی سوور لە غەززە کران و گواسترانەوە بۆ ئیسرائیل.
دوای پشکنینی پزیشکی بارمتەکان بە کەسوکاریان شادبوونەوە.
لەبەرامبەر ئازادکردنیان، پێویستە ئیسرائیل نزیکەی ٩٠ زیندانیکراوی فەڵەستینی ئازاد بکات.
