دژی گۆشەگیری سەر ڕێبەری گەلی کورد عەبدوڵا ئۆجالان لەبەردەم کۆمیسیۆنی باڵای مافەکانی مرۆڤ لە شاری ژنێڤی سویسرا ڕێپێوانێک ئەنجامدرا. هەروەها بەشداربووان داوایان کرد داخوازییەکانی مەزڵوم داغ و عەبدولڕەحمان ئەر قبووڵ بکرێت کە ٥٧ ڕۆژە مانیان لە خواردن گرتووە دژی پێشێلکارییەکانی زیندانی هەولێر، هەروەها دەبێت داغ و ئەر بەزووترین کات ئازادبکرێن.

لەسەر داوای ناوەندی جڤاکی دیموکراتیکی کورد (جەدەکە)، کوردستانیان لە ژنێڤ لە گۆڕەپانی la Navîgatîon کۆبوونەوە، ڕوویانکردە گۆڕەپانی Palaîs Wîlson و بارەگای کۆمیسیۆنی باڵای مافەکانی مرۆڤی نەتەوە یەکگرتووەکان، لەوێدا ڕاگەیاندراوی کەنەکە بە زمانی فەرەنسی دەربارەی گۆشەگیری خوێنرایەوە.

هاوسەرۆکی جەدەکە لە ژنێڤ، محەمەد لەتیف چەلەبی، باسی لەوە کرد، ٢٨ مانگە گۆشەگیرییەکی نایاسایی و نامرۆیی لەسەر ڕێبەری گەلی کورد عەبدوڵا ئۆجالان پیادە دەکرێت.

چەلەبی ئاماژەی کرد بە سیاسەتی قڕکردن کە سەدەیەکە بەردەوامە، بانگەوازی لە (سی. پی. تی.) و نووسینگەی مافی مرۆڤی نەتەوە یەکگرتووەکان و دامەزراوە پەیوەندیدارەکان کرد ئەرک و بەرپرسیارێتی خۆیان جێبەجێ بکەن.

لە کۆتایی قسەکانی داوای کرد بەزووترین کات مەزڵوم داغ و عەبدولڕەحمان ئەر ئازادبکرێن، کە لە ٢٣ ی تەمموزی ٢٠١٩ ـەوە لە زیندانی هەولێر گیراون، بەبێ هیچ تاوانێک، هەروەها بانگەوازکرا بۆ بەشداربوون لە ڕێپێوانەکەی ٢٣ ی تەمموز لە لۆزان.