زیندانیانی سیاسی لە زیندانی ژنانی شاکرانی ئەزمیر بە داخوازی ئازادی جەستەیی ڕێبەری گەلی کورد عەبدوڵا ئۆجالان، بایکۆتی دادگا دەکەن، دیداری تەلەفۆن و کەسوکار ئەنجام نادەن، دەربارەی ئەو زیندانیانەی چالاکی ئەنجام دەدەن، لێپرسینەوە دەستی پێ کردووە و سزای گۆشەی تاکەکەسیان بەسەردا سەپێنرا.

پارتە سیاسی و ڕێکخراوە یاسایی و مەدەنییەکانی شارەکە دژی پێشێلکاری مافەکان لە زیندانەکان و سیاسەتی گۆشەگیری لەبەردەم کامپی زیندانی عەلیاگای ئەزمیر ڕاگەیاندراویان خوێندەوە، درووشم و پانکارتیان دژی گۆشەگیری و پێشێلکارییەکان بەرزکردەوە.

لە ڕاگەیاندراوەکەدا ئاماژە بەوە کراوە، لە ٢٧ ی تشرینی دووەمی ٢٠٢٣ ـەوە بە داخوازی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" مانگرتن لە خواردنی زیندانیان دەستی پێ کردووە، لە ٤ ی نیسانەوە زیندانیان ڕایانگەیاند چالاکییەکەیان دەگۆڕن بۆ بایکۆتی دادگا و تەلەفۆن و دیداری بنەماڵەکان.

هەروەها لە ڕاگەیاندراوەکەدا جەختکرایەوە سەرەڕای هەموو فشارەکان زیندانیان درێژە بە چالاکییەکەیان دەدەن، دەڵێت: "ئەوانەی دەیانەوێت چالاکی ژنان لە زیندانی ژنانی شاکران ئاستەنگ بکەن، بە سزای دیسپلین و گۆشەی تاکەکەسی هەڤاڵەکانمان گۆشەگیر دەکەن. هەموو سەپاندنە فاشیستییەکان لە زیندانی ژنانی شاکران، بۆ شکاندنی تێکۆشان و چەوساندنەوەی ژنانە".

لە ڕاگەیاندراوەکەدا داواکراوە سزای سەر زیندانیەکان دەمودەست هەڵبگیرێت، دەڵێت: "دەمودەست گۆشەگیری ئیمراڵی هەڵبگن و پرسی کورد بە ڕێگەی دیموکراتیک چارەسەر بکەن، داخوازی زیندانی سیاسی، داخوازی ملیۆنان کەسە".