پارێزەران بە مەبەستی رۆیشتن بۆ ئیمراڵی داواکارییان پێشکەش کرد
پارێزەرانی رێبەر ئاپۆ بۆ ئەوەی بتوانن چاویان بە موەکیلەکەیان بکەوێت کە لە زیندانی ئیمراڵی گۆشەگیرکراوە، داواکاری نوێیان بەرزکردەوە.
لە پارێزەرانی نوسینگەی یاسایی سەدە رەزان ساریجا، رازیە ئۆزتورک، فایەق ئۆزگور ئەرۆڵ و مەزڵوم دینچ بەمەبەستی دیدار لەگەڵ رێبەر ئاپۆ سەردانی داواکاریی گشتیی کۆماریی لە بورسا و بەڕێوەبەرایەتی زیندانی ئیمراڵییان کرد.
پارێزەران هەروەها بۆ دیدار لەگەڵ موەکیلەکانی دیکەیان لە ئیمراڵی عومەر خەیری کۆنار، حامیلی یەڵدرم و وەیسی ئاکتاشیش هەمان داواکارییان بەرزکردەوە.
داواکاری پارێزەران و بنەماڵەکان بۆ ئەنجامدانی دیدار بە شێوەی سیستماتیک و بێ بنەما رێگری لێدەکرێت و زۆربەی جارەکانیش هیچ وەڵامێکیان پێنادرێتەوە.
