یەک لە ئەکادیمی و مامۆستایانی ئەزهەر شێخ ئەحمەد تورکی رایگەیاند، گەلی عەرەب پێویستی بە رێبەرێکی وەک عەبدوڵا ئۆجالان هەیە، کە خاوەن تیۆری ئەخلاقی، سیاسی و گیانبازانەیە. شێخ ئەحمەد تورکی سەرنجی بۆ سەر رۆڵی ئۆجالان لە تێکشکاندنی داعش راکێشا.

شێخ ئەحمەد تورکی بەشداری لە دیدارێک لە کتێبخانەی ئەل بەلادەدا کرد و کتێبەکەی بە ناوی دار ئەلمەحروسە ئەمزا کرد.

ئەحمەد تورکی لە وتەیەکدا سەرنجی بۆ سەر رۆڵی کوردان و رێبەری گەلی کورد عەبدوڵا ئۆجالان لە تێکشکاندنی داعش راکێشاو وتی، "بەرخودانی گەلی کورد لە عێراق و سوریا لە دژی داعش بووە مایەی لەناوچوونی گروپە تیرۆریستیەکان. داعش زۆر ژنی کوردی بە دیل گرت، لەبەر ئەوەش لە باکور و رۆژهەڵاتی سوریا نیگەرانی لە سەرلەنوێ دەرکەوتنەوەی داعش هەیە. بەهۆی کۆمەڵکوژیەکانی داعشەوە بە تایبەتی ژنانی ئێزدی پێویستیان بە چارەسەری هەیە. لە جیهانی عەرەبی و ئیسلامیدا بە هەزاران کەس بوونیان هەیە کە گۆڕدراون بۆ بۆمبی زیندوو. گەلی عەرەب و ئیسلامی پێویستیان بە رێبەر و سەرکردەیەکی وەک عەبدووڵا ئۆجالان هەیە، کە لەخوبوردوو، فیداکار، خاوەن ئەندێشە، تیۆری ئەخلاقی و سیاسی بێت. لە کتێبەکانی بەڕێز ئۆجالاندا گرنگی پێکەوە ژیانی گەلی کورد، گەلانی هەرێمەکە و دەستەبەرکردنی ئاشتی و ئارامی لە دژوارترین کاتەکاندا دەستنیشان کراون".

هـ . ب