ته‌جه‌شه دووه‌م كۆنگره‌ی خۆی سازكرد
ته‌ڤگه‌ری گه‌نجانی شۆڕشگێڕ (ته‌جه‌شه) دووه‌م كۆنگره‌ی خۆی له پاریسی پایته‌ختی فه‌ره‌نسا ساز كرد.
به‌سه‌دان گه‌نج له ئه‌ڵمانیا، فه‌ره‌نسا، سویسرا، نه‌مسا، هۆڵه‌ندا، به‌لجیكا و چه‌ندین وڵاتی ئه‌وروپی به‌شدارییان له كۆنگره‌كه‌دا كرد.
كۆنگره‌كه له چوارچێوه‌ی هه‌نگاوی "وه‌رن به‌شداری شه‌ڕی ئازادی ببن" و به دروشمی "تۆڵه‌سه‌ندنه‌وه رێكخراوبوونه و رێكخراوبوونیش ئازادی رێبه‌ر ئاپۆیه" به‌ڕێوه‌چوو.
له هۆڵی كۆنگره‌كه‌دا وێنه‌كانی عه‌بدوڵا ئۆجه‌لان رێبه‌ری گه‌لی كورد و پۆسته‌ری شه‌هیده‌كانی شۆڕش هه‌ڵواسرابوون.
دوای خوله‌كێك وه‌ستان بۆ رێزگرتن له شه‌هیدان، دیوان هه‌ڵبژێردرا و دواتر ره‌مزی كارتاڵ هاوسه‌رۆكی كۆنگره‌ی گه‌ل وتاری پێشكه‌ش كرد.
كارتاڵ سڵاوی له به به‌شداربووانی كۆنگره‌كه كرد و ئاماژه‌ی به رۆڵی گه‌نجانی ئه‌م سه‌رده‌مه كرد.
له كۆنگره‌كه‌دا په‌یامێكی ڤیدیۆیی گه‌نجانی رۆژئاوا بڵاوكرایه‌وه و دواتر بەڵگەفیلمی وته‌كانی عه‌بدوڵا ئۆجه‌لان ڕێبەری گەلی کورد له‌سه‌ر گه‌نجان نمایش كرا.
له په‌یامی كۆنگره‌كه‌دا باس له‌وه‌كرا، كه گه‌نجانی كورد تێكۆشانی شۆڕشی كوردستان گه‌وره‌تر ده‌كه‌ن و له پێناو ئازادی عه‌بدوڵا ئۆجه‌لان رێبه‌ری گه‌لی كورد له هه‌موو شوێنێك ئه‌ركی خۆیان جێبه‌جێ ده‌كه‌ن.
له كۆنگره‌كه‌دا ئه‌ندامانی ئه‌نجومه‌نی نوێی ته‌جه‌شه هه‌ڵبژێردران. كۆنگرهکە به ئاهه‌نگ ، هه‌ڵپه‌ڕكێ و وتنه‌وه‌ی دروشم كۆتاییهات.
ف.ق
