وەرزشوانی کورد جومالی ئاسڵان (٢٤ ساڵ) لە ئۆڵۆمپیادی هاوینەی شاری نانسی فەرەنسا لە پێشبڕکێی ٢٠ کم پلەی یەکەمی بەدەستهێنا. جومالی ئاسڵان ڕایگەیاند ١٠ ساڵ لە تورکیا بەشێوەی پیشەوەرانە وەرزشی کردووە و گوتی: "لەبەرئەوەی دەمویست نوێنەرایەتی کورد و کوردستان بکەم، لەژێر ئاڵای تورکاندا نەمویست بەشداری پێشبڕکێیەکان بکەم، ئەم مەدالیایە دەکەمە دیاری گەلەکەم".

جومالی ئاسڵان ڕایگەیاند ٢ ساڵ پێش ئێستە هاتۆتە ئەڵمانیا بەشێوەی پرۆفیشناڵانە درێژەی بە وەرزشەکەی داوە. لە پێشبڕکێی ٣٥ کیلۆمەتری لە تشرینی یەکەمی ٢٠٢٣ دا لە ئەڵمانیا، پلەی دووەمی بەدەستهێنا.