یەکێتی هێزە دیموکراتیکەکانی ئەوروپا (ئەدەگەبە) ڕایگەیاند سەبارەت بە ڕووداوەکانی سووریا، باکوور-ڕۆژهەڵاتی سووریا و ژنان لە بونیاتنانی سووریادا لە ٤ ی کانوونی دووەمی ٢٠٢٥دا لە ستراسبۆرگ کۆنگرەیەکی ڕۆژنامەوانی جەماوەری ئەنجامدەدات.

لە ڕاگەیاندراوەکەی ئەدەگەبە گوترا: "بۆ ڕاوەستاندنی کۆمەڵکووژییەکان لە سووریا و سووریای دیموکراتیک کۆدەبینەوە".

هەروەها لە ڕاگەیاندراوەکەی ئەدەگەبە گوترا: "هەیئەی تەحریر ئەل شام (هەتەشە) کە بە پشتگیری هێزە ئیمپریالیستەکان و دەوڵەتە داگیرکەرەکان ڕژێمی ئەسەدی ڕوخاند و دەسەڵاتی بە دەست هێنا و سوپای نەتەوەیی سووریا (NSA)ی کە لە ژێر کۆنتڕۆڵی تورکیادایە، دەیانەوێت سوریایەک بونیات بنێن کە جگە لەوان کەس مافی ژیانی نەبێت. کۆمەڵگە دێرینەکانی سوریا عەلەوی، کریستیان، کورد، سریانیەکان، دروز، هەموو چین و توێژە عەلمانیەکانی کۆمەڵگە و ژن لە ژێر هەڕەشەی هێزە جیهادیستییەکانن.

'لەگەڵ تێکۆشانی سووریای دیموکراتیکداین'

کۆنگرە ڕۆژنامەوانییە جەماوەرییەکەی ستراسبۆرگ کە لە لایەن فیدراسیۆنی عەلەوییە عەرەبەکانی ئەوروپا و کۆنفیدراسیۆنی یەکێتی عەولەوییەکانی ئەوروپاوە بەڕێوە دەچێت، بۆ ئاماژە کردن بە مەترسیی و ئاگادارکردنەوەی ڕای گشتی نێونەتەوەیی دەبێتە کۆبوونەوەیەکی گرنگ. وەک یەکێتی هێزە دیموکراتیکەکانی ئەوروپا پشتگیری بەهێز دەبین جارێکی تر بانگەواز دەکەین گەلانی سووریا بە تەنها نین و لەگەڵ تێکۆشانی سووریا دیموکراتیکداین.

با لە ٤ ی کانوونی دووەمی ٢٠٢٥ کاتژمێر ١١:٠٠ لە ستراسبۆرگ کۆببینەوە، بۆ سووریایەکی دیموکراتیک نەک شەرعییەتپەرەست، بانگەواز لە ڕای گشتی نێونەتەوەیی بکەین کە هەڵوێست وەربگرێت".

٢١ ڕێکخراو و دامەزراوەکە لە کۆنگرە ڕۆژنامەوانییەکەی ستراسبۆرگ بەشدار دەبن.