ئەحمەد یڵدرم پەرلەمانتاری پێشووی هەدەپە ڕایگەیاند، لە هیچ شوێنێک دا هیچ نموونەیەکی ئەو ئەو گۆشەگیریەی سەر ڕێبەری گەلی کورد عەبدوڵا ئۆجالان بوونی نییە و راشیگەیاند: "چاوپێکەوتن لەگەڵ ڕێبەری گەلی کورد عەبدوڵا ئۆجالان بۆ هەموو گەلانی رۆژهەڵاتی ناوەڕاست گرنگ و دەبێتە سەرەتایەک".

بە بەشداریی ئەحمەد یلدرم پەرلەمانتاری پێشووی هەدەپە، لە ناوەندی کۆمەڵگەی دیموکراتیکی کورد لە شاری گرازی نەمسا، کۆبوونەوەیەکی جەماوەری بەڕێوەچوو.

"ئەو گۆشەگیرییە لە هیچ شوێنێکدا نموونەی نییە "

لە کۆبوونەوەکەدا ئەحمەد یلدرم پەرلەمانتاری پێشووی هەدەپە ئاماژەی بۆ ئەوە کرد، لە هیچ شوێنێک دا هیچ نموونەیەک لە گۆشەگیری سەر ڕێبەری گەلی کورد عەبدوڵا ئۆجالان بوونی نییە و وتی: "چاوپێکەوتن لەگەڵ ڕێبەری گەلی کورد عەبدوڵا ئۆجالان بۆ هەموو گەلانی رۆژهەڵاتی ناوەڕاست گرنگە و دەبێتە دەستپێکێک. بۆ ئارامی و سەقامگیری لە تورکیا و ڕۆژهەڵاتی ناوەڕاست دا  پێویستە دەستبەجێ گۆشەگیری نەمێنێت و پارێزەران بتوانن بچنە ئیمرالی".

"دۆسیەی هەدەپە سیاسییە"

یڵدرم باسی لە کەیسی داخستنی هەدەپە کرد و وتی: "دۆسیەی هەدەپە دۆسیەیەکی یاسایی نییە و دۆسیەیەکی سیاسییە. ئێمە لە دژی ئەو  دۆسیەیە سیاسیە خەبات و تێکۆشانێکی سیاسی دەکەین. ئەگەر هەدەپەش دابخرێت، ئەوا ئەم گەلە بێ ئەڵتەرناتیڤ و بەدیل نین و ئامادەکاریش بۆ حیزبی جێگرەوە هەیە".

ژ.ت