ساڵح تۆرگول (٦٥) زیندانی سیاسی کە لە ساڵی ٢٠١٤دا سزاکەی ڕاگیرابوو و لە ژێر چاودێری پزیشکدابوو لە نەخۆشخانەی شاری مێرسین گیانی لەدەستدا. تۆرگول ٦ رۆژ بوو بەهۆی تێکچوونی تەندروستی لە نەخۆشخانەدا خەوێنرابوو و دوێنی گیانی لەدەستدا. بڕیارە تەرمی تۆرگول لە شاری سێرتی باکوری کوردستان بەخاکبسپێردرێت.

فیدراسیۆنی کۆمەڵەی پشتگیری و یاسایی خانەوادەی زیندانیان و سزادراوانی مەد (مەد توهاد فەد) لەبارەی گیان لەدەستدانی تۆرگول لەسەر تۆڕی کۆمەڵایەتی تویتەر پەیامێکی بڵاوکردەوە و وتی، " تۆرگول ١٦ ساڵ لە زینداندا بوو و لە ساڵی ٢٠١٤دا بەهۆی نەخۆشیەوە ئازاد کرا. لە ساڵی ٢٠٠٧ و ٢٠١٢دا دوو جار جەڵتەی دڵ لێیدابوو و لە هەندێک هەستی خۆی لەدەستدابوو. پێویست بەر لەوێ دۆخی زیندانیان تێک بچێت، ئازاد بکرێن و چارەسەر وەربگرن. هیچ واتایەکی ئەوە نییە کە لەدوای تێکچوونی دۆخیان، زیندانیان ئازاد بکرێن. سەرەخۆشی لە خانەوادەی ساڵح تۆرگول و خزم و کەسوکار و هاوڕێیانی دەکەین."

ف.ق