لە ستۆکهۆڵم داوای بایکۆتکردنی تورکیا دەکرێت
ژنانی گەنجی ئازاد، لە شاری ستۆکهۆڵم-ی پایتەختی وڵاتی سوید چالاکیەکیان ئەنجامدا و داوایان کرد کە کەلوپەل و سەردانی گەشتیاری بۆ تورکیا بایکۆت بکرێت.
ژنانی گەنجی ئازاد، لە شاری ستۆکهۆڵم-ی پایتەختی وڵاتی سوید چالاکیەکیان ئەنجامدا و داوایان کرد کە کەلوپەل و سەردانی گەشتیاری بۆ تورکیا بایکۆت بکرێت.
ژنانی گەنج لەبەردەم سۆپەرمارکێتی 'ئێچ ئاند ئێم'دا کۆبوونەوە و پانکارتێکیان بەدەستەوە بوو کە لەسەری نوسراوە 'بایکۆتی تورکیا بکە'. لە چالاکیەکەدا دەربارەی تاوانەکانی جەنگ و تاوانەکانی تورکیا کە لە دەرەوەی چوارچێوەی مرۆڤایەتین، برۆشوور بڵاوکرانەوە.
یەکێک لە چالاکوانان بەناوی سیتاک ئورمیە دەستنیشانی کرد کە ئەوان بە چالاکیەکەیان داگیرکاریەکانی دەوڵەتی تورکیا لە عەفرین، باکوور و باشووری کوردستان شەرمەزار دەکەن و داوا لە گەلی سوید دەکەن کە بۆ مەبەستی گەشتوگوزار سەردانی تورکیا نەکەن.
ئورمیە وتیشی "بەهۆی پێشێلکردنی مافەکانی مرۆڤەوە، گەلی سوید لە ڕژێمی تورکیا ناڕازین، بۆخۆیان دێنە لامان و داوای برۆشوورمان لێ دەکەن. کاتێک کە گفتوگۆیان لەگەڵ دەکەین دەڵێن کە ئەوان دژ بە سیاسەتەکانی ئەردۆغانن".
ژنانی گەنجانی ئازاد، ئاشکرایان کرد کە کەمپەینەکەیان بۆ بایکۆتکردنی تورکیا، بەرفراوانتر دەکەن.
ک-ش