دهستپێشخهریی ڕۆژنامهوانانی ئازاد - OGÎ ئهمڕۆ ڕاپۆرتی مانگی ئایاری ٢٠١٨ی دهربارهی پێشێلكارییهكان له بهرانبهر ڕۆژنامهوانان له باكووری كوردستان و توركیا، بڵاوكردهوه.
له ڕاپۆرتهكهدا هاتووه، بهگشتی ١٩٢ ڕۆژنامهوان له زیندانهكانی دهوڵهتی توركیادان. ئاماژهی بۆ ئهوهش كردووه، له مانگی ئایاردا ٦ ڕۆژنامهوان دهستبهسهركراون و ٤ ڕۆژنامهوانی دیكهش زیندانی كراون.
«له سرووشتی [مێدیای ئازاد]دا دیموكراتی و ئازادی ههیه. مهگهر بههۆی ههبوونی ئهم سرووشتهی ڕووبهڕووی هێرش ببێتهوه. لهم دواییانهدا هاوكات لهگهڵ گهنگهشهكانی ههڵبژاردن، هێرشێكی گهوره له دژی مێدیا ئهنجامدرا و هێشتاش وهك هێرشهكانی ڕابردوو بهردهوامه. له چوارچێوهی ئهو هێرشانهدا ژمارهی ئهندامانی دهستپێشخهریی ڕۆژنامهوانانی ئازاد له زیندانهكان گهیشته ٧٠ كهس و بهگشتی ژمارهی ڕۆژنامهوانه زیندانییهكان بوو به ١٩٢ كهس.»
ڕێكخراوهكه دهستنیشانی كردووه كه ههر له مانگی ئایاردا دۆسیه له دژی ٣٧ ڕۆژنامهوان كراوهتهوه و ٢٥ ڕۆژنامهوانی دیكهش دادگهیی كراون.
ههر لهو ڕاپۆرتهدا هاتووه، ڕۆژنامهوانێك لێی دراوه و بڕیاری لێپرسینهوهش بۆ ڕۆژنامهوانێكی دیكه دهركراوه. به گوێرهی ڕاپۆرتی دهستپێشخهریی ڕۆژنامهوانانی ئازاد سزای ١٤ ساڵ، مانگێك و ٢٢ ڕۆژ بۆ ٣ ڕۆژنامهوان بڕاوهتهوه.
«به ئۆپهراسیۆنێكی ئابووری دهستیان بهسهر دۆغان هۆلدینگ-دا گرت. به ئۆپهراسیۆنێكی سهربازیش دهستیان بهسهر وهشانخانهی گیون و ڕۆژنامهی ئۆزگورلوكچوو دیموكراتی-دا گرت. به چهندین لقی جۆراوجۆری ئهم ئۆپهراسیۆنه، هێرشیان كرده سهر خهباتكار و خهباتی مێدیای ئازاد.»
له ڕاپۆرتهكهدا داواكراوه كه كۆتایی به ههر جۆره هێرشێكی سهر مێدیا بهێنرێت و ڕۆژنامهوانه زیندانیكراوهكان بهزووترین كات ئازاد بكرێن.
s.m