٣ ئه‌ندامی فیدراسیۆنی لاوانی سۆسیالیست زیندانی كران
٣ ئه‌ندامی فیدراسیۆنی كۆمه‌ڵه‌كانی لاوانی سۆسیالیست كه ١٣ی تشرینی دووه‌م\٢٢ی گه‌ڵاڕێزان له ئه‌نقه‌ره ده‌ستگیركرابوون، ئه‌مڕۆ بڕیاری زیندانیكردنیان درا.
ئه‌ندامانی فیدراسیۆنی كۆمه‌ڵه‌كانی لاوانی سۆسیالیست (SGDF) گیزه‌م ئالتنۆز، جه‌م ئه‌ره‌ن ئاسلان و سه‌دات پۆلات له ١٣ی تشرینی دووه‌م\٢٢ی گه‌ڵاڕێزان له ئه‌نقه‌ره‌ی پایته‌خت له لایه‌ن پۆلیسی توركیا ده‌ستگیر كران. دوای جێبه‌جێكردنی ڕێكاره‌كان له ئاسایش، ئه‌مڕۆ ڕه‌وانه‌ی دادگه كران.
پاش ئه‌وه‌ی هه‌رسێكیان له دادگه ئیفاده‌یان دا، به تۆمه‌تی «ئه‌ندامه‌تیی ڕێكخستن»، «پڕوپاگه‌نده‌كردن بۆ ڕێكخستن» و «پاره‌كۆكردنه‌وه بۆ ڕێكخستن» له لایه‌ن دادگه‌ی سزادان بڕیاری زیندانیكردنیان بۆ ده‌ركرا.
s.m
