نوێنەری حزب و ڕێکخراوەکانی شاری کەرکووک لە بارەگەی ڕێکخراوە دیموکراتییەکانی یەنەکە لە کەرکووک کۆبوونەوە و سەبارەت بە یەک لیستی لایەنە کوردیەکانی کەرکووک قسەوباسیان کرد.
پاش کۆبوونەوەی لێپرسراوی ڕێکخراوە دیموکراتی و پیشەیی و جەماوەریەکانی شاری کەرکووک لە کۆنگرەیەکی رۆژنامەوانی ناوەرۆکی کۆبوونەوەکەو ئەو خاڵانەی لەسەری ڕێکەوتن خوێندرایەوە.
ڕاگەیاندنی کۆتایی کۆبوونەوەی نوێنەری حزب و ڕێکخراوەکانی کەرکوک لەلایەن ڕێبین محەمەد بەرپرسی لقی کەرکوکی ڕێکخراوە دیمۆکراتی و پیشەیی و جەماوەرییەکان لە کەرکووک خوێندڕایەوە،
دەقی ڕاگەیاندڕاوەکە: ''ئەمرۆ لە دوای کۆبوونەوە لەگەل سەرجەم ڕێکخراوەکانی شاری کەرکوک لەسەر ئەم خاڵانە رێککەوتین:
١- هەموومان یەک دەنگ وهاوڕاین لە سەرئەوەی کە پێویستە تێکرای حزبە کوردستانیەکان بە یەک لیست بەشداربن لە هەڵبژاردنەکان.
٢- داوا دەکەین لە سەرکردایەتی حزبە کوردستانیەکان کە بە زووترین کات کۆبوونەوەی لوتکەی حزبە کوردستانیەکان ببەسترێت بە ئامانجی پشتیوانی لە یەک لیستی حزبە کوردستانیەکانی کەرکووک لە هەڵبژاردنی ئەنجومەنی پارێزگاکانی عێراق.
٣- بریارماندا ناوەرۆکی کۆبوونەوەکە ئاڕاستەی پەڵەرڵەمانی کوردستان و لایەنە پەیوەندیدارەکان و یونامی بکرێت .
٤- بڕیارمان داوە بەهەموو شێوەیەک هاوکاری هاووڵاتیان بکەین بۆ ئەوەی بە زووترین کات سەردانی ناوەندەکانی تۆماری سیستەمی بایۆمەتری بکەن.
ک-ش