لە ئێران ژمارەی ئەو کەسانەی بە ڤایرۆسی کۆرۆنا (Covîd-19) گیانیان لەدەستاوە گەیشتە ٤ کەس.

بەرپرسانی وەزارەتی تەندروستی ئێران ڕایگەیاند، تا ئێستا ١٨ حاڵەت تۆمارکراون.

دوو کەس لەوانەی گیانیان لەدەستداوە لە شاری قوم دەژیان و ناونیشانی دوو کەسەکەی تر ئاشکرا نەکراوە.

لە ئێران حاڵەتەکان لە تاران، ئەراک، قوم و گیلان تۆمارکراون. دوایین جار ژنێک کە بەرەو کەنەدا گەشتی دەکرد، حاڵەتەکەی تێدا دۆزراوەتەوە.

عێراق هاتوچووی ئێرانیانی بۆ وڵاتەکەی قەدەغە کرد.

لە ئێستادا عێراق و باشووری کوردستان هەموو دەروازە سنوریەکانی بە ڕووی گەشتیار و هاوڵاتیە ئێرانیەکاندا داخستووە.

ف.ق