کۆنسەی گشتی تەڤگەری شۆڕشی یەکگرتووی ژنان (کەبەدەهە) بە بۆنەی ٨ی ئادار ڕۆژی جیهانی ژنانی کرێکار ڕاگەیاندراوێکی نوسراوی بڵاو کردەوە و تێیدا ئاماژە کراوە بە بەهێزی و بەردەوامی تێکۆشانی زایندەیی کە بە ئایدیایی 'شۆڕشی ژنان"ەوە لە سەدەی ٢١دا بەردەوامە.

لە ڕاگەیاندروەکەدا ئاماژە کراوە بەوەی شۆرشی ئازادی ژنان لە تورکیا و کوردستاندا لە دۆخێکی سەختدا دەست بە ٨ی ئادار دەکات کە هەموو هێرش و فشارەکان لەسەر ژنان بەردەوامە و هاتووە: "ڕۆژئاوا بە گەل و شەڕڤانانییەوە بۆ بونیادنانی دیموکراسی لە سووریا و ڕۆژهەڵاتی ناوەڕاستدا قوربانی گەورەی داوە و بۆ شۆڕشی ژن لە تورکیا و کوردستان بووە بە سەرچاوەی سوودلێوەرگرتن. هەموو شەهیدانی ژنی ئەم تێکۆشانە و بە تایبەت ئەوانەی لە بەرخۆدانی بەنداوی تشرین شەهید بە ڕێز و پێزانینەوە یاد دەکەینەوە."

کۆنسەی گشتی کەبەدەهە ڕایگەیاند تەڤگەری ئازادی ژنانی کورد لە ئێستادا لە کوردستان و تورکیادا بۆ ئاشتییەکی شکۆمەند و بەدەستخستنی دەستەکەوتە سیاسییەکان تێکۆشانێکی گەورە بەڕێوەدەبات و دەستنیشانی کرد کاتی ئەوەیە لەگەڵ تەڤگەری ئازادی ژنانی کورددا بەهێزترین تێکۆشانی یەکگرتووەی بەڕێوەببرێت.

لە بەردەوامییدا هاتووە: "پێکهێنانی هەلومەرجی ژیان و کاکردنی ئازادی هاوڕێ ئۆجالان کە پاڵپشتییەکیی گرنگی لە تێکۆشانی ئازادی ژنان کردووە، لە دژی شۆڤێنیزمی شۆسیال، فاشیزم و پیاوسالاری، بۆ هەنگاونانی پراکتیکی تێکۆشانی ئازادی سیاسی زۆر گرنگە. بۆ خوشک-برایەتی گەلان، بۆ چارەسەری دیموکراتیکانەی پرسی کورد کات کاتی گوفتار نییە و کاتی کردار و چالاکییە. لە ٨ـی ئادارەوە تا نەورۆز دەبێت تێکۆشانی یەکگرتوویی ژنان لە دژی شۆڤێنیزمی کۆمەڵایەتی ببێتە دەنگی بەهێزی ئاشتی و یەکسانی."

کۆتایی ڕاگەیاندراوەکە بەم شێوەیە:

"وەک کەبەدەهە بانگەوازی لە هەموو ژنان دەکەین لە ٨ـی ئاداردا بۆ ئازادی و یەکسانی پێکەوە لە دژی فاشیزم تێکۆشانی ژنان مەزن بکەن. لە دژی کوشتنی ژنان، لە بەرانبەر توندوتیژی زایندەی، لە بەرانبەر داگیرکاریی و شەڕ بەرخۆدانی ژنانمان بڵند بکەین. لە بەرانبەر زایندپەرستی، نەتەوەپەرستیی، شۆڤێنیزم و هێرشەکانی سەر هەبوونمان، خۆمان بەڕێکخستن بکەین و بجەنگین. تێکۆشانمان تێکۆشانە بۆ بونیادنانی جیهانێکی یەکسان و ئازاد. لە سەدەی ٢١دا شۆڕشی ژنان بە جۆشێکی مەزنەوە درێژی هەبێت، ببێتە سەدەی سەرکەووتن. بەرخۆدان مەزن ببێ، سەرکەووین."