ڕێپێوانی گەنجانی پارتی یەکسانی و دیموکراسی گەلان (دەم پارتی) بۆ ٧٦ـەمین ساڵڕۆژی لە دایکبوونی ڕێبەر ئاپۆ سێ ڕۆژە بەردەوامە. گەنجان کە لە ١ـی نیسانەوە لە ئامەدەوە بۆ ئامارا ڕێپێوانیان کرد، تێکەڵی فیستیڤاڵی ٤ـی نیسان بوون کە  دوو ڕۆژە لە خەلفەتی بۆ ڕۆژبوونی ڕێبەر ئاپۆ بە جۆشەوە بەڕێوەدەچێت.

لە فیستیڤاڵەکە پەیامی ڕێبەر ئاپۆ بۆ گەنجان بە هەردوو زمانی کوردی و تورکی  خوێندرایەوە.

پەیامەکەی ڕێبەر ئاپۆ بۆ گەنجان بەم شێوەیە:

"مانگی نیسان بۆ من ڕێنێسانسێکە. ژیانەوەیە. ڕێپێوانی گەنجان، ڕێپێوانی بەرەو ئازادییە. هەنگاونانە بەرەو ئازادی، مانادارە. من کاتێک دەچووم خۆم ڕێکخستن دەکرد. کاتێک دەچووم بۆ خوێندنگا گرووپێکم هەبوو کە لەگەڵم دەجووڵانەوە. کۆمەڵایەتی بوون بەم شێوەیە دروست دەبێت. لە منداڵیمەوە تا ئێستا من ئەم شتە دەکەم.

سۆسیالیزم کۆمەڵگایە. کۆمەڵایەتییە. سۆسیالیستیش کۆمەڵایەتیبوونە. لە کوردستانیش پێویستە بەم تێگەیشتنە سیاسەت بکرێت. ناوی ئەو سیاسەتی کۆمەڵایەتییە سۆسیالیستییە. ئەمەش بە ڕێکخستن کردن درووست دەبێت. ڕێکخستن گرنگترین کارە. ئەگەر ئەمە نەکەن، بە توندی ڕەخنەتان لێ دەگرم. بۆ ئەوەش لە هەموو شوێنێک پێویستە خۆتان بەڕێکخستن بکەن. هەموو شوێنێکیش بەڕێکخستن بکەن. پشتگیری کارەکانتان دەکەم، سڵاوی خۆمتان پێ دەگەیەنم."

دوای ئەوەی پەیامەکە بە هەردوو زمانی کوردی و تورکی خوێندرایەوە، جەماوەری فیستیڤاڵەکە بە بەرزکردنەوەی درووشمی "بژی سەرۆک ئاپۆ" پێشوازییان لە پەیامەکەی ڕێبەر ئاپۆ کرد. جۆش درا بە ڕێپێوانەکە و یاری ئاگرین ئاسمانی ڕووناک کردەوە. دواتر درووشمی "سڵاو سڵاو لە ئیمراڵی سڵاو" لە گۆڕەپانەکەدا بەرزبووەوە.

دواتر گەنجان بە گێرانی ئاهەنگ فیستڤاڵەکەیان جۆشدا.