ژنانی کامپی پەنابەرانی شەهید ڕۆستەم جوودی (مەخموور) بە جلوبەرگی کوردییەوە، بە بۆنەی ٨ـی ئادارەوە ڕێپێوانێکی بەرفراوانییان ئەنجامدا. ڕێپێوانەکە بە کۆبوونەوەی ژنانی کامپەکە و خوێندکاران لە پێش دامەزراوەی دەزگای بنەماڵەی شەهیدانەوە دەستێپێکرد و تا پارکی ٤ـی نیسان بەردەوام بوو.

لە ڕێپێوانەکەدا درووشمەکانی "ژن، ژیان، ئازادی"، "بژی بەرخۆدانی ژنانی کورد"، "بژی سەرۆک ئاپۆ" و "بێ سەرۆک ژیان نابێ" بەرزکرانەوە. بەرایی ڕێپێوانەکە کە لە لایەن ژنانی گەنجەوە بە لێدانی دەف و دەهۆڵەوە پێشەنگایەتی دەکرا بە بەردەوامی درووشمیان دەگووتەوە. لە ڕێپێوانەکەدا ئاڵایی پاژک و پانکارت بە نوسینی "بە ڕوحی شۆڕشی ژن، بەڵێنی بەرزکردنەوەی تێکۆشان دەدەین" و "٨ـی ئادار لە هەموو ژنان پیرۆز بێت" بەرزکرانەوە.

ڕێپێوانەکە پاش گەیشتنی بە پارکی ٤ـی نیسان گۆڕدرا بۆ گربوونەوە و لەوێ پەیوەست بە ماناداری ٨ـی ئادار ڕاگەینداروێک لە لایەن مامۆستا هێلین کاراوە خوێندرایەوە.

لە ڕاگەیاندراوەکەدا ٨ـی ئادار پیرۆز کرا و بەڵێنی بەردوامبوون و بڵندکردنەوەی تێکۆشانی ئازادی ژنان تا مسۆگەرکردنی ئازادی جەستەیی ڕێبەر ئاپۆ دووپات کرایەوە.