پلاتفۆرمی ئێمە کوشتنی ژنان رابگرین راپۆرتی مانگی نیسانی ٢٠٢٢ ئاشکرا کرد. بەپێی راپۆرتەکە لە مانگی نیساندا ٢٤ ژن کوژراون و ١٦ ژنیش بە شێوەیەکی گۆماناوی گیانیان لەدەستداوە.

لە راپۆرتەکەدا دەگۆترێت کە ١٣ ژن بەهۆکاری نادیار کوژراون و ١٠ ژنیش کاتێک ویستویانە لە هاوسەرەکانیان جیاببنەوە کوژراون و ژنێکیش بەهۆکاری ئابوری کوژراوە.

لەو ژمارەیە ١١ ژن لەلایەن هاوسەرەکانیان و یەکێکیش لەلایەن خۆشەویستە کۆنەکەی، ٧ کەسیش لەلایەن هاوسەرەکانی پێشوویانەوە، ژنێک لەلایەن کوڕەکەیەوە و ژنێکیش لەلایەن خزمێکیەوە کوژراون.

هەروەها لەو ژمارەیە ١٥ کەس لە ماڵەوە، ٤ لە کۆڵان، ژنێک لە نێو ئۆتۆمبێڵ، ژنێک لە کارگە، ژنێک لە پارک و ژنێک لە سەر رێگایەکی بێدەنگ کوژراون.

ف.ق