دەقی راگەیاندراوەکە

ئێمەش هەموو رۆژێک دەکەینە هەشتی ئادار

لە رۆژانێکدا کە ژنان بەربەستەکانی دەسەڵاتداران لە بەپاساوکردنی کۆرۆنا بۆ سەرکوتی کۆمەڵگەکان بە تایبەتی ژنان وەلاوە دەنێن و دەڕژێنە مەیدانەکان، ماسکی ساختەکارانەی سیستەم و دەزگا سەرکوتکەرەکانی دەدڕینن، بانگەوازی دروشمی ئازادی ، ژیان و هیوا دەڵێتەوە، دەنگیان دەگەیەننە یەک و پەیمانیان بۆ یەکتر نوێ دەکەنەوە، یادی هەشتی ئادار دەکەنەوە، ئەوەی ئەمرۆ هەشتی ئاداری گەیاندۆتە واتای راستەقینەی خۆی و هەمو رۆژێکی کردۆتە هەشتی ئادار، بزوتنەوەی ئازادی ژنی کوردستانە کە بە قوربانیدان و تێکۆشانێکی بێوچان مۆری خۆی لە نیو سەدەی تێکۆشان داوە و بە خۆگەیاندنە ئاستێکی فراوانی خۆرێکخستن کردن و پراکتیزەکردنی فەلسەفەی دیموکراسی راستەوخۆ، ئازادی ژن و ئەکۆلۆژی یەکێکە زیندووترین بزوتنەوەکانی جێی ئومێد و ئیلهام لە هەموو جیهان دا نەک تەنیا لە کوردستان.

ئێمەی ژنانی باشوری کوردستانیش لە دەرەوەی وڵات بە ئیلهام وەرگرتن لەو فەلسەفەیە خۆمان رێکخستن دەکەین. روومان لە کوردستانە و هەم بە ئێش و ئازارەکانیەوە و هەم بە جۆش و بەرخودانییەکانیەوە دەژین، هەمیش لە نێو کۆمەلگەی کوردستان لە تاراوگە بەو بەرخودانە و خۆبونیادنانەوەی ژنان لە کوردستان ئێمەش هەموو رۆژێک دەکەینە هەشتی ئادار و پێهەڵگری ئەزمونەکانی ئەوان دەبین. بە باوەڕمان بە شۆڕشی ئازادی و هەست و درکردن بە هەر ساتەوەختێکی و خۆگەیاندنە ئاستی خۆرێکخستنکردنێکی فراوان، هەشتی ئادار لە هەموو ژنانی ئازادیخوازی جیهان، دایکانی شەهیدان  پیرۆز دەکەین یادی ئەو ژنانە دەکەینەوە کە لە پێناوی ئازادی دا ژیانیان لە دەستدا و هەم ئەوانەی لە ئەنجامی توندتیژی زهنیەتی پیاوسالاری، داگیرکاری و کۆنەپەرستی ژیانیان لێسەندرایەوە

ژ.ت