ئێوارەی دوێنێ شەممە، شەقامی دۆتینگسگاتانی شاری ستۆکهۆڵمی پایتەختی سوید، شاهدی چالاکی و ڕێپێوانی ژمارەیەک لە ژنانی کورد بوو، کە بە ئامانجی بانگەوازیکردن بۆ بایکۆتی تورکیا ئەنجامیان دا بوو. 

ژنان لە چالاکیەکەدا، بە بەرزکردنەوەی پانکارد و لافیتە و وتنەوەی دروشم داوایان لە حکومەت و هاوڵاتیانی سوید کرد، لە هەموو بوارەکاندا بایکۆتی تورکیا بکەن. ژنانی چالاکگەر  لە سەر دۆخی خراپی تورکیا و پێشێلکردنی مافەکانی کورد بەتایبەتی و مرۆڤ بەگشتی بە زمانی سویدی زانیاریان بە هاوڵاتیانی سوید دا.

چالاکوانان داوایان کرد، لە ڕێگەی بایکۆتەوە گوشار بخرێتە سەر ڕژێمی ئەردۆغان و تورکیا تا بە سیاسەتی هەڵەی خۆیاندا بچێتەوە. داواش لە حکومەت و پارلەمانی سوید و وڵاتانی ئەوروپاش کرا، لە بەرامبەر پێشێلکاریەکانی ڕژێمی تورکیا بووەستنەوە و سنورێکیان بۆ دابنێن.

هـ.هـ