بنەماڵەى شەنیاشار ٤٩ رۆژە بۆ هێنانەدیی دادپەروەری لە چالاکیی ئێشکگریدان. لەم رۆژانەى دوایدا بەهۆی راگەیاندنی قەدەغەکاری و قەدەغەی هاتووچۆ لەلایەن دەوڵەتی تورکەوە، بنەماڵەى شەنیاشار نەیانتوانی بچنە بەردەم دادگای رحا و لەبەر ئەوەش بۆ ماوەی ٣ رۆژ تاوەکو قەدەغەکارییەکە کۆتایی پێهات، لە ماڵەوە درێژەیان بە چالاکییەکان دا.

چالاکییەکە لەلایەن دایە ئەمینە شەنیاشار و فەرید شەنیاشاری کوڕییەوە بەڕێوەدەچێت، کە ئەندامانی بنەماڵەکەیان لەلایەن خزمانی ئیبراهیم خەلیل یڵدز پەرلەمانتاری ئاکەپەوە کۆمەڵکوژکران.

بە ناوی بنەماڵەى شەنیاشارەوە لە تویتەر پەیامێک بڵاوکرایەوە و تیایدا هاتووە، تاوەکو بەدیهاتنی دادپەرەوەری درێژە بە چالاکییەکەیان دەدەن و داوایان لە هەموو کەسانی خاوەن ویژدانکردووە پشتیوانییان لێ بکەن.

ژ.ت