چوار چالاکوانی بادینان سزادران
كۆتا دانیشتنی دادگاییكردنی هەریەك لە شیروان تەها، بەندەوار ئەیوب، كارگەر عەباس بەڕێوەچوو، لەو دانیشتنەدا دادگا هەر چواریانی بە زیندانییكردن سزادا.
كۆتا دانیشتنی دادگاییكردنی هەریەك لە شیروان تەها، بەندەوار ئەیوب، كارگەر عەباس بەڕێوەچوو، لەو دانیشتنەدا دادگا هەر چواریانی بە زیندانییكردن سزادا.
دادگا، شیروان تەهای بە دووساڵ و شەش مانگ زیندانیكردن و مەسعود عەلی شەنگالی سێ ساڵ و شەش مانگ و بەندەوار ئەیوب و كارگەر غەباس بە ساڵێك و دوو مانگ سزادا.
کامەران عوسمان، ئەندامی تیمی کوردستانی عێراقی ڕێکخراوی ئاشتیپارێزی کرستیان- CPT، بە ڕۆژنیوزی راگەیاند: وەکو ڕێکخراوەی CPT لە کوردستان و عێراق چاودێربووین لەپرۆسەی دادگاییکردنی گیراوانی بادینان، زیندایانی بادینان کەسانی بێ تاوانن، کەسی دڵسۆزی نیشتیمانن، خاوەن شەهیدی خاکی کوردستانن، بۆیە ئەم چالاکوانانە شایەنی ڕێزلێنان نەوەک سزابدرێن.
باسی لەوەشکرد: ئەوە تۆمەتانەی گیراوانی بادینان پێی تاوانبارکراون هیچ بەڵگەیەک نەبوو، کە بیسەلمێنێت تاوانبارن، بەڵام بەڵگەی زۆربچووک و تۆمەتی زۆر گەورە دراوەتە پاڵ سزادراوانی بادینان.
هەروەها، عەلی شنگالی، باوکی مەسعود شنگالی بە ڕۆژنیوزی ڕاگەیاند: دادگاکان لەلایەن ئاسایشیەوە بەڕێوەدەبرێت، داداگا بوونی نیە هیچ دادگایەک نیە، بەڵکو دادگا بەپێی ڕێنمای ئاسایش دەجوڵێت و ئاسایش حوکمی دادگا دەکات، سزادراوان هیچ شتێکیان نەکردووەهیچ تاوانێکیان ئەنجام نەداوە کەچی زیندانی کراون بەبێ هۆ، هیچ یاسایەک نییە، چونکە دادگا هیچ ڕۆڵێکی نیە.
ف.ق