ژمارەیەك چەكدار، هەڵیانكوتایە سەر گوندی سمود لە باشوری قەزای داقوق سەر بە پارێزگای کەرکوک و لەئەنجامدا و دوو برایان ڕفاند، كە سەرقاڵی كاری كشتوكاڵین لە گوندەكەیاندا.

روداوەكە لەكاتی خۆڵبارینەكەی ئێوارەی دوێنێ شەممە ٢٦ی حوزەیران رویداوە و بەپێی سەرچاوەیەكی ئەمنی لە قەزای داقوق، كە قسەی بۆ ئاژانسی هەواڵی فورات (ANF) کرد: "چەكدارەكان داعش بوون".

سەرچاوەكە باسی لەوەشکرد کە "دوو براكە لەكاتی بینینی چەكدارەكاندا هەڵهاتون، بەڵام دواتر دەستگیركراون، پاشان یەكێكیان ئازاد دەكەن و ئەوەی تر لەگەڵ خۆیاندا دەبەن و چارەنوسی نادیارە".

ژ.ت