دەوڵەتی تورک هاتووچۆی لە هاووڵاتییانی ١٠ گوندی بەدلیس قەدەغە کرد
دەوڵەتی تورک لە بەردەوامیی قەدەغەکارییەکانی لە دژی هاووڵاتییانی کوردستان لە پارێزگای بەدلیسی باکووری کوردستان هاتوچۆی لە هاووڵاتییانی ١٠ گوند قەدەغە کرد.
پارێزگاری دەوڵەتی تورک لە بەدلیس رایگەیاند، هاتوچۆ لە ١٠ گوندی سەر بە ناوەندی شار قەدەغە دەکرێت و ئەو قەدەغەکارییەش تاوەکو دەرکردنی بڕیارێکی تر بەردەوامیی دەبێت.
بەپێی زانیارییەکان لە دوای راگەیاندنی ئەو قەدەغەکارییە هێزێکی زۆری سەربازی رەوانەى ئەو ناوچەیە کراوە.
ژ.ت
