لە هەرێمی چیای سپێرێز کە گوندەکانی تلۆرانی سەروو و تلۆرانی خوارووی ناوچەی گەڤەری سەربە جۆلەمێرگ کەوتوونە ئەوێوە، ئۆپراسیۆنی سەربازی دەستیپێکراوە. زانرا کە ژمارەیەکی زۆر سەرباز و جەردەوان بەشدارییان لە ئۆپراسیۆنەکەدا کردووە.

لەگەڵ دەستپێکردنی ئۆپراسیۆنەکە ژمارەیەکی زۆر ئۆتۆمبێل و کەرستەی سەربازی رەوانەی ناوچەکە کراون. هەروەها زانرا کە گوندە ئاماژەبۆکراوەکان گەمارۆدراون و هاتووچۆ لەو گوندانە قەدەغەکراوە.

راگەیەندرا کە لە گۆڕەپانەکانی چیای سپێرێز و عومەرێ جموجۆڵی فڕکەی بێفڕۆکەوانی (سیها) لەئارادایە.

لە هەمان کاتدا زانرا کە ئەو هاووڵاتیانەی دەیانویست مەڕوماڵاتەکەیان ببنە کوێستان، رێگرییان لێکراوە.

هـ. ب