چالاکی مانگرتن لە خواردن لە زیندانەکاندا لە دژی گۆشەگیری لەسەر ڕیبەری گەلی کورد عەبدوڵا ئۆجەلان ماوەی ٢٨٨ ڕۆژە بەردەوامە، وێرای هەموو فشارەکانی دەوڵەت و بەرێوبەرانی زیندان گیراوانی سیاسی بەرخودان  درێژە پێدەدەن. تا ئیستا حکومەت وڵامی داواکاریەکانی چالاکی گیراوانی سیاسی نەداوەتەوە، بە پێچەوانەوە سیاسەتی گۆشەگیری لەسەری ڕێبەری گەلی کورد درێژە پێدەدات و ڕێگە نادات خێزان و پارێزەرانی سەردانی  بکەن.

چەتین ئویار هاوسەرۆکی دەبەپە  لە وان دەڵیت:" ٢٢ ساڵە لە ئیمراڵی گۆشەگیری لەسەر بەرێز عەبدوڵا ئۆجەلان بەرێوە دەچیت، لە ساڵی ٢٠١٥ وە دەوڵەت ڕێگە نادات خێزان و پارێزەرانی سەردانی ڕێبەر ئۆجەلان بکەن، ئیمە لە بەر پەتای کۆرنا و گومانمان لە تەندروستی ڕێبەر ئۆجەلان هەیە، وەک دەبەپە و گەلی وان داوا دەکەین بە زووترین کات چاوپێکەوتن لەگەڵ ڕێبەر ئۆجەلان بکرێت."

ئویار سەرنجی ڕاکێشایە سەر چالاکی مانگرتنی گیراوانی سیاسی کورد لە زیندانەکاندا وتی:" لە زیندانەکاندا بە هەزاران هاوڕێمان لە چالاکی مانگرتن لە خواردندان لە دژی گۆشەگیری لەسەر ڕێبەری گەلی کورد، ئێمەش لای خۆمانەوە دەڵین گۆشەگیری شەرمەزار دەکەین، گۆشەگیری دەبێت بشکێندرێت و دەبێت وەزارەتی دادی تورکیا بڕیار بدات"

هەروەها وتیشی فشارەکانی لەسەر گیراوانی سیاسی زیادی کردەوە بە تایبەتی ئەو هاوڕیانەی کە ئیستا لە چالاکی مانگرتن لە خواردندان و تی: ئەو چالاکیە ٢٨٨ ڕۆژە لە زیندان بەرێوە دەچێت، ئەو هاوڕیانەی لە زیندانەکان نەخۆشن ناتوانن بچن بۆ دکتۆر چونکە ١٤ ڕۆژ لە نەخۆشخانە بە تیان بەجێان دێڵن، وتیشی: ئەو نامانەی کە بە زمانی کوردی نوسراوان بۆ گیراوانی سیاسی هاتوە بەرێونەرانی زیندان دەستیان بەسەردا دەگرن و ڕادەستی زیندانیانی ناکەن، لە زیندانەکاندا دەوڵەت گۆشەگیری لە ناو گۆشگیری بەرێوە دەبات. ئێمە دووبارەی دەکەینەوە دەڵێن با گۆشەگیری بشکێندرێت و چارەسەری پێش بکەوێت.