ئەنجومەنی ژنانی هەدەپە لە هۆتێلێک لە ناوچەی سوری ئامەد لەبارەی پێشێلکاریەکانی ژنان لەگەڵ یاساناسان دانیشتن و دواتر کۆنگرەی رۆژنامەنووسیان ئەنجامدا. لە کۆنگرەی رۆژنامەنووسیدا ئایشە ئاجار باشاران هاووتەبێژی ئەنجومەنی ژنانی هەدەپە، چالاکوانانی تەڤگەری ژنانی ئازاد، کۆمەڵەی یاساناسانی ئازادی، کۆمەڵەی مافەکانی مرۆڤ، کۆمەڵەی ژنانی رۆسا و زۆر کەس ئامادە بوون.

گولجیهان شیمشەک ئەندامی ئەنجومەی پارتی هەدەپە وتی، " زیندانەکان بوون بە شوێنی مردن. ئێمەش دەمانەوێت پێکەوە گفتوگۆ بکەین بۆ ئەوەی پێکەوە کارێک بکەین."

دوای شیمشەک، باشاران قسەی کرد و وتی، " ئێمە لەدەرەوەین بەڵام هاوڕێکانان بۆ تێکۆشانی ژنان لەلایەن دادگالان و زیندانەکانەوە ئەشکەنجە دەکرێن و بەدیل گیراون. ٣٠ ساڵە سزایان بەسەر ئایشە گۆککان، ٢٢ ساڵ بەسەر لەیلا گیوڤەن و زۆر هەڤاڵی دیکەی ژندا سزا سەپێنراوە."

باشاران باسی ئەوەشی کرد کە لە زیندانەکاندا گۆشەگیری هەیە، ئەوەش کاریگەری لەسەر هەموو رووەکانی ژیان داناوە و وتی، " غەریبە گەزەر گەورەترین نمونەیە. وتیان خۆی کوشتووە، بەڵام دەزانین کە شتێکی وا نەبووە."

باشاران ئاماژەی بە دۆخی زیدانیانی نەخۆشدا و وتی، " بە بەردەوامی باسی دۆخی ئایسەل تۆغلوک و زیندانیانی دیکە دەکەین. بەهۆی راپۆرتی سیاسی پزیشکی داد ٥٩ کەس گیانیان لەدەستداوە. دەزگای پزیشکی داد بەپێی خواستی دەسەڵات راپۆرت ئامادە دەکات و دەلێت، زیندانیانی نەخۆش دەتوانین لە زیندانەکان بمێننەوە. لە زیندانەکاندا دۆخی زیندانیانی نەخۆشی ژن، زۆر خراپە. ئێمە باسمان لەسەر دۆخی تەندروستی زیندانیانی نەخۆش و ئایسەل توغلوک کرد، بۆ ئەوەی پێکەوە کارێک بکەین."

ف.ق