هەپەگە بەڕێزەوە یادی دو گەریلای بەناوەکانی ئارژین و زنار کردەوە
هەپەگە یادی دو گەریلای کردەوە کە لە چەلێ و هەرەکۆل شەهید بوون و رایگەیاند، بەڵێن دەدەن تێکۆشانی هاوڕێ شەهیدە قاڕەمانەکانیان بە سەرکەوتوویی بگاتە ئامانجەکەی.
هەپەگە یادی دو گەریلای کردەوە کە لە چەلێ و هەرەکۆل شەهید بوون و رایگەیاند، بەڵێن دەدەن تێکۆشانی هاوڕێ شەهیدە قاڕەمانەکانیان بە سەرکەوتوویی بگاتە ئامانجەکەی.
ناوەندی راگەیاندن و چاپەمەنی هەپەگە لەبارەی دو شەهیدەکە راگەیەنراوێکی بڵاوکردەوە کە بەشێکی بەم شێوەیەیە:
"لە مانگی ئابی ٢٠١٩دا لە بەرزاییەکانی گوندی ئاشوتێی ناوچەی چەلێی جۆلەمێرگ، لەنێوان هێزەکانمان و سوپای داگیرکەری تورکدا شەڕ روویدا. لە شەڕەکەدا هاوڕێکەمان ئارژین بە قاڕەمانێتی شەڕت کرد و شەهید بوو.
ناسنامەی هاوڕێ شەهیدەکەمان بەم شێوەیەیە:
نازناو: ئارژین کوردستان
ناو و پاشناو: شوکران کزلئاسلان
شوێنی لەدایکبوون: سێرت
دایک و باوک: زولەیخا و رەشید
کات و شوێنی شەهادەت: ئابی ٢٠١٩ / چەلێ
یەپەگە لە بەشێکی دیکەی راگەیەنراوەکەیدا ئاماژەی بەوەدا، لە ٢ی کانونی یەکەمی ٢٠٢٠دا رایانگەیاندبوو، لە ٢٨ی ئەیلولی ٢٠٢٠دا گەلی دۆخانی هەرێمی چیای هەرەکۆلی سێرت، بە قوڕسی لە لایەن فڕۆکەکانەو بۆردومانکرا و دواتر ئۆپەراسیۆن دەستیپێکرد و وتی، "لەو بۆردومانەکدا ٥ هەڤاڵمان شەهید بوون. لە راگەیەنراوەکەی ئەو کاتەدا باسمانکردبوو کە دواتر بە فراوانی ناسنامەی هاوڕێ شەهیدەکەمان بۆ رای گشتی بڵاودەکەینەوە.
ناسنامەی هاوڕێ شەهیدەکەمان بەم شێوەیەیە:
نازناو: زنار رەنگین
ناو و پاشناو: یوسف ئەسمەر
شوێنی لەدایکبوون: مێردین
دایک و باوک: سالیحا و محەمەد
کات و شوێنی شەهادەت: ٢٨ی ئەیلولی ٢٠٢٠ / هەرەکۆل"
هەپەگە لە راگەیەنراوەکەیدا وێڕای ئەوەی باسی لە تێکۆشانی بێوچانی هەردوو شەهیدەکەی لە ریزەکانی گەریلاکانی ئازادی کوردستاندا کرد، هەروەها وتی، "سەرەتا سەرەخۆشی خۆمان ئاڕاستەی خانەوادەی هاوڕێ شەهیدە قاڕەمانەکانمان و هەموو گەلی وڵاتپارێزی کوردستان دەکەین و بەڵێن دەدەین تێکۆشانی هاوڕێ شەهیدە قاڕەمانەکانمان بە سەرکەوتوویی بگاتە ئامانجەکەی."
ف.ق