هەپەگە: لە حەفتانین حەفارەیەک تێکشکێندرا و کارپێکەرەکەشی سزا درا
گەریلاکان لە ٨ی تشرینی دووەم لە ناوچەی حەفتانین حەفارەیەکی سەر بە سوپای تورکی داگیرکەریان تێکشکاند و کارپێکەری شۆفڵەکەش سزادرا.
گەریلاکان لە ٨ی تشرینی دووەم لە ناوچەی حەفتانین حەفارەیەکی سەر بە سوپای تورکی داگیرکەریان تێکشکاند و کارپێکەری شۆفڵەکەش سزادرا.
ڕاگەیەندراوی ناوەندی راگەیاندن و چاپەمەنیی هێزەکانی پاراستنی گەل (هەپەگە) لەوبارەیەوە:
"لە چوارچێوەی هەڵمەتی شۆڕشگێڕیی جەنگی خابوور لە ناوچەى حەفتانین؛
ڕۆژی ٨ی تشرینی دووەم کاتژمێر ١٠:٢٠ لە دۆڵی پساخا لە دامێنی شاخی هێلزدا، هێزەکانمان بە شێوازی سابوتاژ حەفارەیەکی داگیرکەرانیان کردە ئامانج، کە دەیخواست رێگا بۆ داگیرکاری دروست بکات. لە ئەنجامی ئەو چالاکییەدا حەفارەکە تێکشکێنرا و کارپێکەری حەفارەکەش سزا درا.
تاوەکو دوایین فیشەکیان شەڕیان کرد
لە راگەیاندراوی ٢ی نۆڤەمبەری ٢٠٢١دا رامانگەیاندبوو، لە ٣٠ی تشرینی یەکەم لە ناوچەى حەفتانین لە کاتی چالاکییەکدا، کە ٦ داگیرکەری تیادا سزادرابوو، یەکێک لە هەڤاڵانمان بریندار بوو بوو. هاوڕێمان چەکدار لە شەڕدا بە فیداکاری هێرشی کردە سەر پێگەکانی دوژمن و گورزێکی قورسی لە داگیرکەران دا و بە سەختی بریندار بوو. دواتر شەڕێکی قورس روویدا و لەو شەڕەدا هاوڕێیانمان چەکدار و نومان تاوەکو دوایین فیشەکیان شەڕیان کرد. لە ئەنجامی ئەو شەڕی دژ بە داگیرکەرییەدا شەهید بوون.
ئەو چالاکییە بە تاکتیکی سەردەمی نوێی گەریلا بە سەرکەوتوویی ئەنجامدرا. ئەو هەڤاڵە قارەمان و پاڵەوانە شەهیدانەمان، کە لە سەرکەوتنی ئەو چالاکییەدا رۆڵ و تێکۆشانێکی زۆریان هەبوو، بە رێبازی گەریلای پرۆفیشناڵ لە ماوەیەکی کورت دا چوونە ناو سەنگەرەکانی داگیرکەران و کارێکیان کرد، کە رۆح و ئیرادەی جەنگاوەری ئاپۆیی سەر بکەوێت.
زانیاری لە بارەی ناسنامەى ئەو هەڤاڵە شەهیدانەمان بەم شێوەیەیە:
نازناو: چەکدار زیلان
ناو و پاشناو: بورهانەدین تاسمان
شوێنی لەدایکبوون: مێردین
ناوی دایک - باوک: گوڵستان - سەڵاحەدین
کات و شوێنی شەهیدبوون: ٣٠ی تشرینی یەکەمی ٢٠٢١ / حەفتانین
****
نازناو: نومان ئامەد
ناو و پاشناو. سەعید ئۆزتورک
شوێنی لەدایکبوون: ئامەد
ناوی دایک - باوک: گوڵێ - ڕەمەزان
کات و شوێنی شەهیدبوون: ٣٠ی تشرینی یەکەمی ٢٠٢١ / حەفتانین".
ژ.ت