هەپەگە لەبارەی شەهیدانی بامەڕنێ و درۆی میدیای پەدەکە راگەیەنراوێکی بڵاوکردەوە
ناوەندی راگەیاندن و چاپەمەنی هەپەگە رایگەیاند کە لە بامەڕنێ لە هێرشی دەوڵەتی داگیرکەری تورکدا ٣ کەس کە دووانیان منداڵن شەهید بوون و باسی درۆی میدیاکانی پەدەکەشی کرد.
راگەیەنراوی ناوەندی راگەیاندن و چاپەمەنی هەپەگە بەم شێوەیەیە
٣ کەس شەهیدکران کە دووانیان منداڵن
"٢٦ی ئایار لە دەوروبەری ناحیەی بامەرنێی ئامێدی، دەوڵەتی تورک هێرشی کردە سەر خەڵكی ئێمە لە باشوری کوردستان کە لە سەیران بوون و لە ئەنجامدا ٣ کەس شەهیدکران کە دووانیان منداڵ بوون. سەرەخۆشی لە خانەوادەی شەهیدانی کوردستان و هەموو گەلی کوردستان دەکەم، هیوای باشبوونەوە بۆ برینداران دەخوازین. ئەنجامی پەیوەندی نەرێنی پەدەکە لەگەڵ دەوڵەتی داگیرکەری تورک و سیاسەتی هەڵە، بە کۆمەڵکوژی بامەڕنێ جارێکی دیکە ئاشکرا بوو.
هزر گۆمانی تاوانباری لەنێو پەدەکەدا
هەندێک بەرپرسی پەدەکە و میدیای پەدەکە بە تاوانبارکردن هەوڵ دەدەن، رووداوەکان بخەنە ئەستۆی گەریلا. ئەم هەوڵدانە ئەنجامی ترسە لە ناڕەزایی رەوای گەلەکەمانە. بەڵام گەلەکەمان بەهۆی ئەوەی کە خۆی راستیەکانی بینیوە و دەزانێت، گوێ ناداتە ئەو تاوانباریانە. گەریلاکانی ئازادی کوردستان بۆ پاراستنی شەرەفی گەلی کورد و پاراستنی باشوری کوردستان باجی قورس دەدات و بە شێوەیەکی فیداییانە شەڕ دەکات. لە دۆخێکی بەم شێوەیەیەدا، پەدەکە کە کۆمەڵکوژی داگیرکەران لەسەر گەلی کورد بە رەوا پیشان دەدات، پێویستە ئێدی دەست لەم هەوڵە هەڵانە هەڵبگرێت.
لە رێگەی ئاژاوەگێڕی دەیانەوێت زەمینەی شەڕی ناوخۆیی لەنێو کورددا دروست بکەن
هێزەکانی گەریلا گورزی کوشندە لە سوپات تورک دەدەن. بۆ ئەوەی رێگری لە تێکچوونی مێژوویی دەوڵەتی تورک بگرن، هەوڵ دەدەن کە بە دەستی هەندێک هێزی نێو پەدەکەدا ئاژاوەگێڕی دروت بکەن و بەم شێوەیە زەمینەی شەڕی ناوخۆی کورد دروست بکەن. بەر لەوەی لە میدیادا بڵاوبکرێتەوە کە پەدەکە بۆ بیانویەک دروست بکات کە گەل دەوڵەتی تورک بەشداری شەڕی کردووە، دەتوانێت هەندێک پلانی قێزەون دروست بکات. لە ٢٤ی ئایاری ٢٠٢٢دا هەندێک هێزی پەدەکە لە هەرێمی گۆشینی سیدەکان بەرەو بارەگاکانی گەریلاکانمان پێشڕەویان کرد، ویستیان شەڕ دروست ببێت و بەم شێوەیە ئاژاوە دروست ببێت. بەڵام بە نزیکایەتیەکی بەرپرسیارانە یەکینەکانمان، ئەو ئاژاوەگێڕیانەیان پۆچەڵ کردەوە. سوپای داگیرکەری تورک لە ٢٥ی ئایاردا لەسەر بارەگاکانی سوپای تورک تێپەڕی و لە زەمینی و ئاسمانیەوە هێرشی کردە سەر گردی هەکاری هەرێمی مەتینا.
لە چالاکی ٢٦ی ئایاردا لەداگیرکەراندرا
لە ٢٦ی ئایاردا سوپای داگیرکەری تورک لە گۆڕەپانی گردی شەهید ئاگر لە گردی ئۆرتێی مەتینا، بووە ئامانجی هێزەکانمان. لە چالاکیەکەدا ٢ سەربازی تورکی داگیرکەر سزادران. ئەو بانگەشانەی کە دەڵێن ' گەریلا هێرشی کردووەتە سەر هێزەکانی پەدەکە' راست نین.
پێویستە پەدەکە دەست لە هەڵوێستی هەڵەی خۆی هەڵبگرێت
لەم کاتەدا کو سوپای تورک تەنگەتاو بووە و لەبەرلێواری تێکشکانە، جموجووڵی بەم شێوەیەی هێزەکانی پەدەکە و بڵاوکردنەوەی هەواڵی درۆی میدیای پەدەکە، ئاشکرایە کە بۆ چییە. شەڕێکی نێوان کورد جگە بەرژەوەندی دەوڵەتی داگیرکەری تورک، لە بەرژەوەندی کەسدا نییە. ئاشکرایە کە کارەساتێکی بەم شێوەیە لە کوردستان دەبێتە هۆکاری، گێژاو، نائارامی و شکستێکی گەورە. ئێمە بانگ لە پەدەکە دەکەین کە دەست لەم هەڵوێستە هەڵەیە هەڵبگرێت و زیان بە گەلی کوردستان و بە تایبەتی باشوری کوردستان نەگەیەنێت."
ف.ق
