جەنگاوەرانی بزووتنەوەى یەکگرتووی ژنانى شۆڕشگێڕ (کەبەدەهە - KBDH) ڕایانگەیاند، لە ١٥ی شوباتدا لە سێ شوێن لە گەڕەکی کانی حەیدەر، ئاگریان لە تایە بەرداوە و بۆ ماوەیەک ڕێگایان گرتووە و رێگاکەیان خستووەتە ژێر کۆنترۆڵی خۆیان.

جەنگاوەرانی بزووتنەوەى یەکگرتووی ژنانى شۆڕشگێڕ (کەبەدەهە - KBDH) راشیانگەیاند، لە گەڕەکی ئەسەن یۆرت بە بۆمبای بە هێزی دەستکرد هێرشیان کردووەتە سەر دەوریەیی پۆلیسی تورک.

جەنگاوەرانی کەبەدەهە ئەوەشیان ڕایانگەیاندووە، لە ١٤ی شوباتدا و بە شەودا و لە یەک کاتدا لە گەڕەکەکانی ئەسکی قشڵە و گونگۆر و جمهورییەت لافیتەیان هەڵواسیوە و خەڵکی گەڤەر بەهۆی ئەو چالاکییەوە زۆر بە جۆش و خرۆشەوە جوڵاونەتەوە.

لە ڕاگەیەندراوەکەدا هاتووە: "ئەو لافیتانە بۆ ماوەیەکی زۆر هەڵواسراون و دوژمن دواتر هێرشی قورسی کردە سەر ئەو گەڕەکانە، کە ئێمە چالاکیمان تیایاندا ئەنجامدابوو. بە روونی ئەوە دەبینرا، کە دوژمن تووشی پەشێوی و ترسێکی گەورە بووە".

جەنگاوەرانی کەبەدەهە وتیشیان: "دوای ئەو چالاکییە سەرکەوتووانە، یەکینەکانمان بە سەلامەتی گەیشتوونەتە شوێنە پارێزراو و ئارامەکانی خۆیان".

ژ.ت