بە گوێرەی زانیارییەکانی تۆری مافی مرۆڤی کوردستان بەیانی ئەمڕۆ هێزەکانی دەوڵەتی ئێران لە خاڵی سنووری هەنگەژاڵی بانە تەقەیان لە کۆڵبەرێک کردووە و کوشتوویانە.

ئەو کۆڵبەرە ناوی واحد قادرپورە و خەڵکی گوندی دەرە زیارەتی سەقزە.

لە سەرەتای ئەم مانگەوە ٧ کۆڵبەر و کاسبکاری کورد لە ناوچە سنوورییەکانی رۆژهەڵاتی کوردستان کوژراون، کە پێنج کەسیان لە سنووری بانە کراونەتە ئامانج.

هەروەها لەمساڵدا تائێستا لانیکەم ٣٤ کۆڵبەر کوژراون و زیاتر لە ٢١٠ کۆڵبەر و کاسبکاریش برینداربوون.

هـ . ب