ئەمڕۆ لە شارەدێی عەربەتی سەر بە پارێزگای سلێمانی، لەکاتی کارکردن لە دروستکردنی بەنزینخانەیەکدا، کریکارێک گیانی لەدەستدا.

کرێکارەکە ناوی (وڵات مەحمود)ە و تەمەنی ٢٧ ساڵە، خەڵکی باکووری کوردستانە و دانیشتووی کامپی شەهید ڕۆستەم جودی بووە لە مەخمور.

بەپێی ئەو زانیارییانەی ڕۆژنیوز لە کەسوکارەکەی وەریگرتووە، ئۆتۆمبێلی کۆنکرێت(میکسەر) ئەو کرێکارەی کردووە بەژێرەوە، دوای گیانلەدەستدانی، تەرمی وڵات ڕەوانەی پزیشکی دادوەریی سلێمانی کراوە و دوای تویکاریی، تەرمەکە ڕادەستی کەسوکارەکەی کراوەتەوە و بەرەو مەخمور براوەتەوە.

ف.ق