بە گوێرەی هەواڵێکی تۆڕی مافەکانی مرۆڤی کوردستان شەوی پێنج شەممە ٣٠ی ئایار هێزە ئەمنییەکانی ئێران لە گوندی یەنگیجەی سەر بە بۆکان هەڵیانکوتاوەتە سەر ماڵێک و هەتاو ئەکرەمییان دەستبەسەرکردووە.

ئەوەش خراوەتەڕوو، هێزە ئەمنییەکان بە بێ خستنەڕووی فەرمانی دادوەری و بە لێدان و توندوتیژییەوە ئەو ژنە کوردەیان دەستبەسەرکردووە.

هەتاو ئەکرەمی کە خەڵکی تیکابە ماوەی چەند ساڵێکە لەباشووری کوردستان نیشتەجێیە و لە رۆژانی رابردوودا بە مەبەستی بەشداری لە ئاهەنگی هاوسەرگیری کوڕەکەی گەرابووەوە بۆ رۆژهەڵاتی کوردستان.

تائێستا هۆکاری دەستگیرکردن و هەروەها شوێنی راگرتنی ئەو ژنە کوردە نەزانراوە.

ماوەی چەند مانگە هێزە ئەمنییەکانی ئێران هەڵمەتی گرتن و دەستبەسەرکردنی هاوڵاتیان و چالاکوانانی کوردیان چڕکردووەتەوە و لە دوو مانگی رابردوودا زیاتر لە ١٠٠ کەس دەستبەسەرکراون.

هـ .ب