تاژێ لە چوارچێوەی کەمپەینی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" کەمپەینی "ڕێبەر ئاپۆ میوانی ماڵەکانتانە"ی دەست پێ کرد و لە زۆربەی ناوچە و گوندەکان و شاری شەنگال بەردەوامە.

ژنان لە چوارچێوەی کەمپەینەکە وێنەی ڕێبەری گەلی کورد عەبدوڵا ئۆجالان و کورتە ژیاننامەیەک وەک دیاری دەدەنە ماڵەکان، گەل بە دڵخۆشییەوە پێشوازی لە هەوڵەکە دەکەن و دەڵێن لە کاتی فەرمانەکەوە تا ئێستا ڕێبەری گەلی کورد عەبدوڵا ئۆجالان میوانی ماڵەکانیانە.

لە چوارچێوەی کەمپەینەکەدا ئەندامی مەجلیسی ژنانی بۆریکێی سنونێ چوونە سەردانی ماڵەکان و وێنەی ڕێبەری گەلی کورد عەبدوڵا ئۆجالانیان کردە دیاری.

لە سەردانەکەدا ئەندامی مەجلیسی ژنان وڵات جانۆ باسی فیکری ڕێبەری گەلی کورد عەبدوڵا ئۆجالان و هەوڵەکانی لەپێناو جڤاکی ئێزدی کرد و گوتی: "تا سەرۆکمان ئازاد نەبێت، ئێمەش ئازاد نابین، تا کۆتایی شوێنکەوتەی فیکر و ڕامانی وی دەبین. بۆ ئازادی جەستەیی وی، هەر شتێک بکەوێتە ئەستۆمان دەیکەین".

هەروەها هاوڵاتییەک بە ناوی حەیدەر کۆرکۆرکی بە گەرمی پێشوازی لەو هەوڵە کرد و گوتی: "سەرۆک ئاپۆ لە ساڵی ٢٠١٤ـەوە لە دڵماندایە و هەمیشە لە دڵماندا دەبێت".

ئەندامی مەجلیسی ژنانی بۆریکێ، خۆخێ سەیدۆ لە سەردانەکەیدا بۆ ماڵی حاجی موراد قسەی کرد و گوتی: "ئێمە وەک مەجلیسی ژنان وێنەکانی سەرۆک ئاپۆ پێشکەش بە بنەماڵەکان دەکەین، لە سایەی فکر و ڕامانی وی، لە فەرمانی ساڵی ٢٠١٤ ڕزگاربووین" ، حاجی موراد بەخێرهاتنی کردن و هیوای خواست لە نزیکترین کاتدا ڕێبەری گەلی کورد عەبدوڵا ئۆجالان ئازاد ببێت.

هەروەها گەنجێک بە ناوی ماهیر باپیر گوتی: "لە ساڵی ٢٠١٤ سەرۆک و فیکری ویمان ناسی، لەو ڕۆژەوە تا ئێستا سەرۆک میوانی ماڵەکەمان بووە و هەمیشە میوانی ماڵەکەمان دەبێت".