کاروان گەزنەیی ئەندام پەرلەمانی هەرێمی کوردستان لەسەر فراکسێۆنی یەكێتیی نیشتمانیی کوردستان (یەنەکە) ئامارێکی مەترسیداری دەربارەی کۆ چی هاوڵاتیانی باشوری کوردستان بەرەو ئەوروپا بڵاوکردوە و رایگەیاند، تەنها لە شەش مانگی سەرەتای ساڵی ٢٠٢١دا بە دەیان هەزار کەس لە باشوری کوردستان کۆچیان کردوە بەرەو ئەورپا، کە زۆربەیان گەنجن.

کاروان گەزنەیزی ئەو کۆچە بەمەترسیدار بەناو دەکات و دەڵێت: بە گوێرەی ئامارە نافەرمییەکان، تەنها لە ساڵی٢٠٢١ و شەش مانگی یەکەم  زیاتر لە ٦٠ هەزار کەس کۆچیان کردووە بۆ دەرەوەی وڵات. دەیان کەس بوون بە قوربانی و نزیکەی ٧٠٠ کەس لە وڵاتانی بولگاریا، بلا ڕووس و سڕبیا دەستبەسەرکراون."

دەربارەی هۆکاری ئەو کۆچە زۆرەی گەنجان بۆ ئەوروپا ناوبراو ئاماژە بەوە دەکات: "دەرەنجامی نەبوونی ھەلی کار، نەبوونی گەرەنتیی ژیانێکی پێویست و خراپیی دۆخی ئابووریی هاووڵاتییانە، کە پێکەوە ئەمانە ئەنجامی خراپی مامەڵە و بێباکی و کەمتەرخەمیی حکومەتی هەرێمی کوردستانن."

جەخت لەوەش دەکاتەوە، کە حکومەتێک نەتوانێت ھەلی کار بۆ گەنجان بڕەخسێنێت و مووچە تا ئێستاش بە لێبڕینەوە دابەشبکات، بێشک ئەنجامەکەی کۆچکردن و بەجێهێشتنی بە لێشاوە!

ژ.ت