بەگوێرەی هەواڵێکی تۆڕی مافەکانی مرۆڤی کوردستان رۆژی سێ شەممە ٢٨ی ئایار ژمارەیەک کۆڵبەر لە ناوچەی سنووری هەنگەژاڵی بانە لەلایەن هێزەکانی پاسەوانی سنووری دەوڵەتی ئێرانەوە دراونەتە بەر دەستڕێژی گولـلە و بەهۆیە کۆڵبەرێک کوژراوە.

ئەو کۆڵبەرە ناوی سینا رەسوڵزادە، تەمەن ١٩ ساڵ و خەڵکی سەردەشت بووە.

لەسەرەتای مانگی ئایارەوە لانیکەم ٩ کۆڵبەر و کاسبکار و هاوڵاتی کورد بەتەقەی هێزەکانی دەوڵەت کوژراون، کە زۆرینەیان لە ناوچە سنووریەکانی بانە بوون.

هەروەها لە سەرەتا ئەمساڵیشەوە ٣٦ کۆڵبەر، کاسبکار و هاوڵاتی لەناوچە سنووریەکان گیانیان لەدەستداوە و زیاتر لە ٢١٥ کەسیش برینداربوون، کە زۆرینەیان بە تەقەی هێزەکانی دەوڵەت پێکراون.

هـ. ب