پارتە سیاسییەکان و ڕێکخستنەکانی کۆمەڵگای مەدەنی بە پێشەنگایەتی کۆمەڵەی توێژینەوەی زمان و کولتووری میزۆپۆتامیا (MED-DER) لە ئامەدکۆبوونەوە و لە چوارچێوەی بەرنامەی جەژنی زمانی کوردی لە گۆڕەپانی شێخ سەعید دەستیان بە بڵاوکردنەوەی بڵاڤۆک کرد. ئەندامانی مەد-دەر، کۆمەڵەی نووسەرانی کورد، ئینستیتیوتی کوردی ئامەد، گۆڤاری دەستاڕ، بزووتنەوەی ژنانی ئازاد (تەژەئا)، پارتی هەرێمە دیموکراتیکەکان (دەبەپە)، کۆمیسیۆنی زمان و کولتووری پارتی یەکسانی و دیموکراسی گەلان (دەم) و ئەندامانی پلاتفۆرمی کار و دیموکراسی ئامەد لە چالاکییەدا بەشداریان کرد. پۆلیس گەمارۆی جەماوەرەکەیان دا و ڕێگرییان لە دابەشکردنی بڵاڤۆک کرد و وەک بەکارهێنانی دەربڕینی ناڕەزایەتی لە سەر"گۆشەگیری ئیمرالی" نیشان درا.

جەماوەرە بە وتنەوەی دروشم ناڕەزایی خۆیان لە بەرامبەر ئاستەنگیەکان دەربڕی و هەروەها گەمارۆی پۆلیسیان شکاند و بانگەوازی لە گەل کرد کە بەشداری چالاکییەکانی جەژنی زمانی کوردی بن.

هاوسەرۆکی وتەبێژی کۆمیسیۆنی زمان و کەلتووری دەم پارتی قسەی کرد و وتی: "ئامانجمان ئازادی زمانی گەلەکەمانە. وەرن با لە هەموو شوێنێک بە کوردی قسە بکەین."

دوابەدوای ڕاگەیاندنەکە، شاندەکە بە شەقامەکانی سوردا گەڕان و بە شێوەی زارەکی داوای بەشداریکردنیان لە گەل کرد. لە ڕێپێوانەکەدا گۆرانی کوردی وترانەوە و دروشمی "زمانی ئێمە کەرامەتی ئێمەیە" و "ژیان بەبێ زمان ژیان نییە" بەرز کرانەوە.