سەرلەبەیانیی ئەمڕۆ لە ئۆپەراسیۆنی پاکتاوکردنی سیاسی لە مێردین چەندین کەس دەستگیرکران.

پۆلیسی دەوڵەتی تورک هەڵیکوتایە سەر چەندین ماڵی هاووڵاتییان لە ناوچەی قۆسەری مێردین و توندوتیژییان لە دژی هاووڵاتییان ئەنجامدا. قادر ئیشک هاوسەرۆکی پێشووی هەدەپەیان بە توندوتیژی و ئەشکەنجەدان دەستگیر کردووە. بنەماڵەکەی رایانگەیاند، پۆلیس لە پشتەوە دەستی ئیشیکیان کەلەپچە کردووە و سەریان بە زەویدا کێشاوە و لوتیان شکاندووە.

تا ئێستا ناوی ئەم کەسانە لە ناو دەستگیرکراوەکاندا روون بووەتەوە، ئۆزگور ئایدین، چەکدار ئایدین و دەستگیرکراوەکان بردراون بۆ بەڕێوەبەرایەتی ئاسایشی قۆسەر.

ژ.ت