کۆمیتەی بەڕێوەبەریی پەکەکە داوایکرد بە بەرخودانی هەمەلایەنە تێکۆشانی دژ بە فاشیزمی ئاکەپە - مەهەپە گەورە بکەن، ١ی ئایار بکەنە ئاستێکی نوێی ئازادی و لەسەر ئەم بنەمایە گۆڕەپانەکانی ١ی ئایار داپۆشن و لە دژی فاشیزمی ئاکەپە – مەهەپە بوەستنەوە.
کۆمیتەی بەڕێوەبەری پەکەکە بە بۆنەی نزیکبوونەوە لە ١ی ئایار لە ماڵپەڕەکەیدا ڕاگەیەندراوێکی بڵاوکردەوە و دەقی راگەیاندراوەکە بەمشێوەیەیە:
"لە کاتێکدا، بزووتنەوەی ئازادیی کۆمەڵگەی کوردستان و گەلی کورد ئامادەکارییان دەکرد بۆ ڕۆژی ١ی ئایار، ڕۆژی خەبات و پشتیوانی و یەکگرتوویی چینی کرێکار بەو شێوەیە، کە مانای خۆی بدات و شایستەى بێت پیرۆز بکرێت، دیکتاتۆریی ئاکەپە – مەهەپەی فاشیست لە ١٧ی نیسانەوە هێرشێکی نوێی داگیرکەری و پاکتاوکاریی کردە سەر ناوچەکانی زاپ و ئاڤاشین. بێگومان ئەو هێرشە شتێکی چاوەڕواننەکراو و سەیر نەبوو، بە پێچەوانەوە ئەو هێرشە پێشبینی دەکرا. هەر لە ساتی سەرەتاوە هێزەکانی گەریلا قارەمانانە بە چالاکی هەستان و گورزی قورسیان لە هێزە داگیرکەرەکان دا.
ئەو جەنگە نوێیە، کە لەسەر ئەم بنەمایە دەستی پێکردووە و ئێستا هەفتەیەکی تێپەڕاندوە و لە هەموو بەرەکاندا بە قورسی بەردەوامە. گەریلاکانی زاپ، کە لە مانگی شوباتی ٢٠٠٨دا کاریزمای یاشار بویوکانیت و ئیلکەر باشبووغ-یان تێکشکاند، ئێستاش فاشیزمی تەیب ئەردۆغان و دەوڵەت باخچەلیش تێکدەشکێنن و لە گرد و دۆڵەکانی زاپدا دەیانکەن بە ژێر گڵەوە. ئاشکرایە ئەم هێرشە دوایین هێرشی فاشیزمی ئاکەپە - مەهەپە دەبێت و دووەمین سەرکەوتنی گەریلاش لە دوای ١٤ ساڵ کۆتایی بە فاشیزمی ئاکەپە - مەهەپە دەهێنێت. لەسەر ئەم بنەمایە سەرەتا سڵاو لە گەریلاکانی هەپەگە و یەژا ستار دەکەین، کە بە بەرخۆدانی بوێرانە و قارەمانانەیان مێژوو دەنوسن و ئەو سەرکەوتنە مێژووییەیان لێ پیرۆز دەکەین. شەهیدە قارەمانەکانیان بە ڕێز و خۆشەویستی و سوپاسەوە بەبیر دەهێنینەوە. لەم جەنگی هەبوون و ئازادییەدا هەمیشە ئومێدی سەرکەوتنتان بۆ دەخوازین.
ئاشکرایە، وەک گەل و بزووتنەوەکەمان، ئێمە لە ناو لە شەڕێکی شۆڕشگێڕانەدا پێشوازی لە ١ی ئایاری ئەمساڵ دەکەین، کە چارەنووسمان دیاری دەکات. هەر خۆی لەگەڵ ڕێبەر ئاپۆ و پەکەکەدا هەموو ١ی ئایارەکان بەمشێوەیە تێپەڕین و وەرچەرخا بۆ رۆژێک، کە زۆرترین مانا و واتای شایستەی ڕۆژی خەباتی چینی کرێکار دەبەخشێت. ئاشکرایە ١ی ئایاری ئەمساڵ بەرزترین ئاستی هەموو ئەمانە دەبێت، هەڵمەتەکان بۆ ٥٠هەمین ساڵ بە ٨ی ئازارەوە دەستی پێکرد و لەگەڵ نەورۆزدا گەیشتە ئاستێکی بەرز، بە پێشەنگایەتیی گەریلا وەردەچەرخێت بۆ گەورەترین و مانادارترین هەڵمەتی وتاداری ئازادی لە مێژوودا.
لەسەر ئەم بنەمایە لە ١ی ئایاردا بە شێوەیەکی سەرەکی پیرۆزبایی لە ڕێبەر ئاپۆ و هەڤاڵان لە چیا و شار و زیندانەکان و گەلە تێکۆشەرەکەمان و دۆستانی شۆڕشگێڕ - دیموکراتیکمان و ژنان و گەنجان و هەموو کرێکاران و زەحمەتکێشان دەکەین و هیوای سەرکەوتنیان لە تێکۆشانی دیموکراسی و ئازادی دا بۆ دەخوازین. لە کەسایەتی شەهیدانی گۆڕەپانی تەقسیمی ١ی ئایاری ١٩٧٧ و شەهیدانی زاپ – ئاڤاشین دا بەڕێزەوە یادی هەموو شەهیدانی ئازادی دەکەینەوە و بەڵێنی گەیشتن بە ئامانجەکانیان دووپات دەکەینەوە و یادیان بەرز رادەگرین و خاوەنداری لە یادیان دەکەین.
ئەم هێرشە نەک تەنها پەکەکە، بەڵکو پەیوەندیی بە گەلانی ناوچەکە و مرۆڤایەتیشەوە هەیە
گەلی وڵاتپارێزمان، دۆستانی شۆڕشگێڕ - دیموکراتیکمان!
ئاشکرایە فاشیزمی ئاکەپە - مەهەپە هەموو توانا و دەرفەتەکانی تورکیا بە تەواوی بەکاردەهێنێت و هێرش دەکات. هێرشێکی پلان بۆ داڕێژراو بۆ لەناوبردنی پەکەکە دەستپێکردووە و دەیەوێت گەریلا تێکبشکێنێت و پەکەکە لە ناو ببات. بەشێک و دواهەمین بەش و ئەڵقەی ئەو هێرشە داگیرکارییانەیە، کە لە کۆتایی مانگی ئابی ٢٠١٦ەوە بۆ سەر هەرێمەکانی پاراستنی مەدیا و باکوری ڕۆژهەڵاتی سوریا دەستیپێکرد. ئەو کۆمەڵکوژی و هێرشە داگیرکارییانەی، کە ماوەی ٦ ساڵە هەنگاو بە هەنگاو و بەش بە بەش ئەنجام دەدرێت، ئێستا لە دژی ناوەندی بەرخۆدانی ئازادی بەڕێوەدەبرێت.
بۆیە ئەو هێرشە ناوبراوە زۆر جددی و گرنگە. بەو ئەندازەیەوە پەیوەندیی بە پەکەکەوە هەیە، بەو ئەندازەیەش پەیوەندیی بە تەووی گەلی کورد، بە عەرەب و هەموو گەلانی ناوچەکە و مرۆڤایەتییەوە هەیە. بەڵێ حکومەتی فاشیستیی ئاکەپە - مەهەپە دەیەوێت بەم هێرشە تەمەنی خۆی درێژ بکاتەوە. تێگەیشتن لەوە ئاسانە، کە فاشیزمی ئاکەپە - مەهەپە پشت دەبەستێت بەو دۆخە سیاسی و سەربازییە، کە بەهۆی جەنگی ئۆکرانیاوە دروست بووە و شەڕی کۆمەڵکوژی و داگیرکاری ناوبراو بەڕێوەدەبات، بەو شێوەیە هەوڵ دەدات دەسەڵاتی خۆی درێژ بکاتەوە. ئەم هێرشەی ئێستا بۆ ئەنجامدانی پاکتاوکاری و جینۆساید و داگیرکەری لە ژێر کەش و هەوای شەڕی ئۆکرانیا بە پشتیوانی ئەمەریکا، ئەڵمانیا، ئینگلتەرا، ناتۆ و پەدەکە ئەنجامدەدرێت. ئەو هێزانە، کە دەڵێن دژی داگیرکاریی ڕوسیان لە ئۆکرانیا بوونەتە پشتیوانێکی بەهێز بۆ داگیرکردنی دەوڵەتی تورک لە کوردستان.
تەنانەت ئەگەر ئامانجی دەسەڵاتی فاشیستیی ئاکەپە - مەهەپە درێژکردنەوەی تەمەنی خۆیشی بێت، ئەوا هەر کەم دەهێنێت، کە مرۆڤ ئەو هێرشە داگیرکاری و کۆمەڵکوژییە تەنها لە چوارچێوەی ئەو ئامانجەدا هەڵبسەنگێنێت. فاشیزمی ئاکەپە - مەهەپە ئامانج و ئەرکی سەرەکیی، کە دەوڵەتی تورک بەردەوامیی بەڕێوەبەریی ئیتحاد و تەرەقی بێت، پێی بەخشراوە و جێبەجێی دەکات. ئەگەر ئەو هێرشەی ناوبراوە سەربکەوێت، ئەوا گەریلاکانی ئازادیی کوردستان تێکدەشکێنرێن و لەسەر ئەم بنەمایە پەکەکە لە ناو دەچێت، بەڵام ئەوان بەوەش تێر نابن و دواتر سەرەی پەدەکە و ڕێکخستنە کوردییەکانی تر دێت و لەسەر ئەو بنەمایەش هەوڵ دەدەن پرۆسەی جینۆسایدکردن و سڕینەوەى کورد تەواو بکەن.
کاتێک ئەمە سەردەکەوێت عەرەب و لەسەرووی هەمووشیانەوە گەلانی تورکیا هەوڵ دەدات هەموو گەلانی ڕۆژهەڵاتی ناوەڕاست بخاتە ژێر گوشار و ستەمی سیاسی و عەقڵییەتی پاکتاوکار و بکوژ و فاشیستیانە. ئاشکرایە ئەمەش مانای سەروەریی ئەو سیاسەت و مێشکە فاشیستانە پاکتاوکار – قڕکەرەدایە، کە لە جیهاندا لە کاتی جەنگی جیهانی یەکەمدا دروست بووە. هێرشی داگیرکاریی فاشیزمی ئاکەپە - مەهەپە بۆ سەر زاپ و ئاڤاشین لایەنێکی جیهانی و مێژوویی لەو شێوەیە هەیە، بۆیە نابێت بگوترێت کە تەنها پەیوەندیدارە بە پەکەکە و کوردەوە. پێویستە بە باشی پەیوەندیشی بە گەلانی ناوچەکە و مرۆڤایەتییەوە ببینرێت.
لەسەر هێڵی فیدایی ئاپۆیی بە هەموو هێزمانەوە بەرخۆدان دەکەین
بێگومان وەک گەل و بزووتنەوە، ئێمە دەمانزانی هێرشێکی لەو شێوەیە ئەنجام دەدرێت، بۆ ئەوەش بەپێی ئەوەى پێویست بێت و بکرێت خۆمان بۆ بەرەنگاریی ئەو ھێرشە لە ئاستێکی گەورەدا ئامادە کرد. بۆیە بە شێوەیەکی سەرەکی گەریلاکانی زاپ و ئاڤاشین وەک هێزەکانی گەریلا و حزب، بزووتنەوەی ژنان و لاوان، کوردانی وڵاتپارێز و دۆستەکانیان لە دژی داگیرکەری و کۆمەڵکوژی و هێرشی داگیرکاری لەسەر بنەمای ستراتیژی شەڕی گەلی شۆڕشگێڕی بە شێوەیەکی هەمەلایەنە بەرەنگاری و بەرهەڵستی بکەن. سیاسەتی ئێمە بەرخودانە و شکستهێنانە بە سیاسەت و مێشک و عەقڵییەتی جینۆساید و فاشیست. لەسەر ئەم بنەمایە تا ئەو کاتەی ئەشکەنجە و دیوارەکانی گۆشەگیری لە ئیمراڵی تێکدەشکێنین بە هەموو توانامانەوە لەسەر هێڵی بەرخۆدانی فیدایی ئاپۆیی خۆڕاگری و بەرەنگاری دەکەین.
شەڕەکە تەنیا لە زاپ و ئاڤاشین نییە، شەڕ لە سەرتاسەری کوردستان و تورکیادایە، بۆیە لە هەر پارچەیەکی کوردستان و تورکیا شەڕی شۆڕشگێڕی دژی فاشیزمی ئاکەپە - مەهەپە بڵاودەکەینەوە. هەروەها جەنگ تەنیا ئەرکی گەریلا نییە، بە شێوەیەکی سەرەکی ئەرکی ژنان و گەنجان و ئەرکی گەلی کورد وڵاتپارێز و دۆستەکانیانیشە، بۆیە هەموو کەسێک لە هەر شوێنێک بێت بۆ ڕووخاندنی فاشیزمی ئاکەپە – مەهەپە هەر چیی لە دەست بێت دەبێت ئەنجامی بدات. هەموو شەڕڤانان و تیمێکی گەریلا دەستپێشخەرییان هەیە، لەو شوێنەی تیادان بە هەموو دەرفەت و توانای خۆیانەوە گورز لە فاشیزمی ئاکەپە – مەهەپە بدەن. هەموو گەنجێکی کورد شەڕڤانێکی ئازادییە، لە هەر شوێنێکدان دەبێت بە ئەنجامدانی هەموو جۆرە چالاکییەک گورز لە فاشیزمی ئاکەپە – مەهەپە بدەن و لەکاتێکدا، پێویست بوو ڕوو لە ڕیزەکانی گەریلا بکەن. لەسەر ئەم بنەمایە، ئەو بەرپرسیاری و ئەرکە و بەو دەستپێشخەرییەوە، بەرپرسیارێتیی مێژوویی خۆیان جێبەجێ بکەن.
لەدژی هاوكاریەكانی پەدەكە ناڕەزایەتی نیشان بدەن و لەدژی داگیركەری لەگەڵ پەكەكە یەكبگرن
بەكۆرتی پێش هەركەس گەریلا، وەكو گەل و بزوتنەوەكەمان لەدژی هێرشی قڕكەر و داگیركەری فاشیستی ئاكەپە ـ مەهەپە لەبەرخۆدانداین. ناوەندی فەرماندەیی ئێمەی گەریلا هەر رۆژ ئاماری شەڕ ئاشكرا دەكەن. ئاماری هەفتانە بۆ رای گشتی ئاشكرا دەكەن كە چۆن، چۆنی زەبری جەرگبڕیان لەهێزە داگیركەر و فاشیستەكانی ئاكەپە ـ مەهەپە داوە. لەپێشدا ژنان و گەنجان، گەل و دۆستانمان لەهەرچوار لای كوردستان و چوار لای جیهان لەبەرخۆداندان، هێرشی قڕكەر و داگیركەری فاشیستی ئاكەپە ـ مەهەپە شەرمەزار دەكەن. ئێمە لێرەوە سڵاو لە چالاكی و بەرخۆدانی ئەوان دەكەین.
بەڵام دەبێت بزانین كە بەرخۆدانی لەدژی هێرشی لەناوبردن و قڕكەری دەوڵەتی توركی داگیركەر و فاشیستی ئاكەپە ـ مەهەپە تەنیا ئەركی و بەرپرسیاریەتی پەكەكە، هەپەگە و كەجەكە نییە. وەك نموونە ئەو هێز و رێكخستنانەی كە خۆیان بەرێكخستن و دام و دەزگای كوردی دەناسێندرێن، ئاخۆ هەڵوێستی ئەوان چییە؟ لەدوای پەكەكەوە سەڕە بگاتە ئەوانیش. مەگەر نە ئەوەیە كە لەئێستادا ئەوانیش هاوشانی پەكەكە بكەوتبانا جمۆجوڵەوە و خۆیان یەكانگیر بكەن و لەدژی داگیركەر و قڕكەران دەستیان بەبەرخۆدان بكردبا؟ مەگەر نە ئەوەیە كە لەدژی ئەو پەدەكەیە كە ئێستاكە وەكو جاشێك، جاشێتی بۆ داگیركەران، ئاكەپە ـ مەهەپە دەكات، هەڵوێستێكی بەهێزیان نیشان بدابا؟ ئاشكرایە كە تێكۆشان لەدژی قڕكەران و داگیركەران لەتێكۆشان لەدژی نۆكەر و خیانەتكاران جیاوازیەكی نییە. لەم رەوشەی تێدا دەژین، بەرێوەبەرایەتی پەدەكە لەئاستێكی هەرە خراپدا هاوكاری دەوڵەتی تورك دەكا، لەلایكەوە سەربازانی توركی لەبەرامبەر بەگەریلا دەپارێزێت و لەلایەكی ترەوە پاراستنی خۆشی بەگشتی داوەتە دەست توركانەوە. هەڵوێستی پارتەكانی تر و رێكخستنەكانی تریش بەس نییە. ئاشكرایە كە پارتەكانی تر، رێكخراو و رێكخستنەكانی دی، كەسایەتی، رۆشنبیران، سیاسەتمەداران و هۆنەرمەندانێك كە خۆیان بەوڵاتپارێزی كورد دەناسێنن، دەبێت لەبەرامبەر بە كردەوەكانی پەدەكە راپەڕن و ناڕەزایەتی نیشان بدەن. لەدژی ئاكەپە ـ مەهەپە لەگەڵ پەكەكەدا یەكبگرن.
ئەگەر فاشیزمی ئاكەپە ـ مەهەپە لەزاپ و ئاڤاشین شكست بهێنێت ئەوا لەئەنقەرەش شكست دەهێنن
ئەو شەڕەی لە زاپ و ئاڤاشین لەدژی داگیركەری فاشیستی ئاكەپە ـ مەهەپە بەرێوە دەچێت لەو بەرخۆدانەی لەئەنقەرە، ئەستەمبۆل و ئیزمیر لەدژی فاشیزمی ئاكەپە ـ مەهەپە جۆداتر نییە، بەپێچەوانەوە یەكێك لەباڵە هەرە بەهێزەكان و پێشەنگی ئەم بەرخۆدانەیە.
فاشیزمی ئاكەپە ـ مەهەپەی كە لەزاپ و ئاڤاشین شكست بهێنێت لەئەنقەرەش هەڵدەوەشێت و ناتوانێت بۆ رۆژێكیش تەمەنی خۆی درێژە پێ بدات. ئەو كاتەش هێزەكانی دژە فاشیزم، كرێكار و رەنجدەر، شۆڕشگێڕ و دیموكرات، ژنان و گەنجانی توركیا لەدژی فاشیزمی ئاكەپە ـ مەهەپە كە هێرشی زاپ و ئاڤاشین دەكات، دەبێت هەڵوێستی خۆیان نیشان بدەن و تێكۆشانی توركیایەكی دیموكراتیك لەهەر گۆڕەپانێكدا بەشێوەیەكی بەهێز بەرێوە ببەن. ئەوەی لەزاپ و ئاڤاشین بەرێوە دەچێت هیچ پەیوەندیەكی بەپاراستنی وڵاتەوە نییە، بەپێچەوانەوە ئەوە هێرشی داگیركەری و فاشیستانەیە. لەسەر ئەم بنەمایە لەناوبردن و قڕكردن بەسەر كوردان دەسەپێنن و هەوڵدەدەن بەتەواوەتی كوردان لەناو ببەن. ئەوەش لەحاڵێكدایە كە لەو توركیایەدا ئەگەر كورد ئازاد نەبێت، ئەوا ژیانێكی دیموكراتیك و ئازادیش نابێت. لەبەر ئەوەش دەبێت هەر شێوە نزیكبوونەوەیەكی نەتەوەپەرەستی و شۆڤێن لەناو ببردرێت. لەدژی فاشیزمی ئاكەپە ـ مەهەپە لەگەڵ بزوتنەوەی ئازادی گەلی كورددا، دەست لەناو دەست تێكۆشان بكەن و بۆ ئەوەش لەنێو رێزەكانی بزوتنەوەی شۆڕشگێڕی یەكبووی گەلان"هەبەدەهە"، جێگە بگرن. بەتایبەتی بانگەوازی لەگەنجانەی دەكەم كە توركیایان خۆشدەوێت و بەشێوەیەكی ئازاد دەیانەوێت بژین.
گەلی عەرەبیش دەبێت پشتیوانی بەرخۆدانی پەكەكە بكات
لەپێشدا گەل و هێزە سیاسیەكانی گەلی عەرەب دەبێت، گەلانی رۆژهەڵاتی ناوین هەموو بزانن لەپاش كوردان ئەوا نۆرەی ئەوانیش دێ. ئەو سیاسەتەی دەوڵەتی تورك، لەسەر بنەمای كۆمارچێتی ئیتحاد و تەرەقی خۆی نوێ كردووەتەوە و چالاك بووە. دەبێت مرۆڤ ئەم رەوشە لەگەڵ رۆژگاری ئەمڕۆماندا شرۆڤە نەكات. ئەو كاتەش بەبێ راوەستان و بەبێ ئەوەی دەرفەتەكان لەدەست بچن دەبێت پشتیوانی كوردان و پشتیوانی بەرخۆدانی پەكەكە بكەن. سیاسەتی داگیركەر ـ هەڵوەشێنەری فاشیزمی ئاكەپە ـ مەهەپە لەسەر ئەم بنەمایە دەتوانرێت بەربەست بكرێت و شكستی پێ بهێندرێت.
دیموكراتن راستین دەبێت لەدژی داگیركردنی كوردستان بوەستنەوە
لە دنیایەك كە كوردی تێدا قڕ بكرێت، ئەوا ئەم دنیایە بۆ هیچ كەسێك دیموكراسی و ئازادی نابێت. ئەو كاتە هێزە دیموكراتیكخواز و ئازادیخواز، بزوتنەوە چەپەكان و سۆسیالیست، كرێكار و رەنجدەران، ژنان و گەنجان بۆ ئەوەی پێش بەقڕكردنی كۆردان بگرن و بۆ مسۆگەركردنی ئازادی كوردان دەبێت لەبەرامبەر بە قڕكردن و داگیركەری فاشیزمی ئاكەپە ـ مەهەپە راپەڕن و ناڕەزایەتی نیشان بدەن. بەگوێرەی سیاسەتی ویلایەتە یەكگرتووەكانی ئەمریكا و دەوڵەتی ئەڵمانیا كە دەڵێن"ئێمە لەئۆكرانیا لەدژی داگیركەری روسیاین"، داگرتنی كۆڵان و شەقامەكانی بەرلین و واشنتۆن كەس ناكاتە دیموكراتی راستەقین. بەسەدان هەزاران كەس لەدژی داگیركاری روسیا لەشەمام و كۆڵانەكانی بەرلین و واشنتۆندا ناڕەزایەتیان نیشاندا، ئەوانە لەكوێن، ئاخۆ لەسەر داگیركەری دەوڵەتی تورك لەكوردستاندا چی دەڵێن؟ ئاشكرایە كە لەشەڕی بەرژەوەندی كە لەسەر ئۆكرانیاوە بەرێوە دەچێت، گەل و دیموكراسی قازانج ناكەن و سەركەوتنیش بەدەست ناهێنن، بەڵام بەرخۆدانی ئازادی گەلی كورد لەدژی داگیركەری دەوڵەتی تورك، وەكو هەورە تریشقەیەك لەئافراندنی جیهانی دیموكراتیك و ئازاد بۆ هەركەسێكە. ئەو كاتەش دیموكراتە راستەقینەكان دەبێت لەدژی داگیركەری دەوڵەتی تورك لەكۆردستان ناڕەزایەتی نیشان بدەن و پشتیوانی بدەنە تێكۆشانی ئازادی گەلی كورد.
ئێمە هەمیشە لەگەڵ گەلەكەمان و كوردی ئازاددا بین
بێگۆمان یەكێك لەبابەتەكان كە بووەتە رۆژەڤ، هێرشی ئەرتەشی عێراقە لەسەر شەنگاڵ. ئەو رۆژەی كە دەوڵەتی داگیركەری تورك لەسەر هەرێمەكانی زاپ و ئاڤاشین دەستی بەهێرش كرد كە بەفەرمی لەچوارچێوەی سنوری عێراقدایە، ئەرتەشی عێراقیش هێرشی شەنگاڵی كرد. لەبەر ئەوەش گۆمان درۆست دەبێت كە لەنێوان ئەواندا پلانێكی هاوبەش هەیە. ئەم رەوشە و لێدوانەكەی تەیب ئەردۆغان، لێدوانی نەزۆك و بێدەنگی حكومەتی عێراق لەدژی داگیركەری زاپ و ئاڤاشین بێكاریگەر كرد. ئاشكرا بوو كە بەرێوەبەرایەتی پەدەكە لەنێو پلانی داگیركەری دەوڵەتی توركدا جێگە دەگرن، بەڵام دیار نەبوو كە حكومەتی عێراقیش تا ئەم ئاستەدا بەشدارە. بەڵام ئێدی ئەوەش ئاشكرا بووە. بێگۆمان ئەو رەوشەی شەنگاڵی و مەخموری تێدان لەكاتی داگیركردنی موسلدا لەبەرامبەر بەهێرشی داعش، چۆن خۆیان و روومەتی عێراقیان پاراستن دیارە، هەروەها یەكەمین تامی شكستیان بەداعش دا چەشتن، بۆ حكومەتی عێراق رەوشێكی نەرێنیە كە بەهەر بیانۆیەك بیانەوێت خۆیان بشارنەوە. ئێمە سیاسەتی حكومەتی عێراق لەسەر مەخمور و شەنگاڵ شەرمەزار دەكەین و وەكو پارچەیەك و بەردەوامیدانی سیاسەتی دەوڵەتی تورك دەبینین. بەناوی پەكەكە ئێمە هەڵوێست و بەرخۆدانی بەروومەتی گەلی شەنگاڵ سڵاو دەكەین. لەبەرامبەر بەهەر رەوشێك لەشەنگاڵ، بۆ بۆنیادنانی ژیانێكی ئازاد بۆ كوردانی ئێزیدی ئێمە خۆمان بەبەرپرسیار دەبین و هەمیشەش ئامادەین. ئێمە هەمیشە لەگەڵ گەلەكەمان، كوردانی ئێزیدی و گەلانی شەنگاڵداین و لەوبەدواش لەگەڵیان دەبین.
ئێمە تێكۆشانی دژ بەفاشیزمی ئاكەپە ـ مەهەپە بەهێزتر بكەین
هێرشی داگیركەری لەسەر زاپ و ئاڤاشین، هێرشی هەرە كۆتایی فاشیزمی ئاكەپە ـ مەهەپەیە. ئاشكرایە كە فاشیزمی ئاكەپە ـ مەهەپە كاتێك لەزاپ و ئاڤاشین شكست بهێنن، ئەوا لەئەنقەرەش هەڵوەشن. ئەم رەوشە هەم پێش بەلەناوبردنی كوردان بگرێت، هەمیش ببێتە هۆی ئەوە كە رۆژهەڵاتی ناوین و جیهان زیاتر بەرەو دیموكراتیكبوون هەنگاو بنێنن. ئەو كاتەش دەبێت مرۆڤ لەزاپ و ئاڤاشین فاشیزمی ئاكەپە ـ مەهەپە لەناو ببات. وەكو پەكەكە و گەلی كورد، وەكو گەلانی رۆژهەڵاتی ناوین و جیهان ئەو هێزەمان هەیە كە ئەم ئەركە راپەڕێنین. ئەو كاتەش دەبێت ئێمە ئەم هێزە بەشێوەیەكی هەرە چالاك و بەرێكخستنبووی بەكار بێنین، یەكیانبخەین و فاشیزمی ئاكەپە ـ مەهەپە لەزاپ و ئاڤاشین لەناو ببەین، كوردستانی ئازاد، رۆژهەڵاتی ناوین و جیهانیش دیموكراتیك بكەین.
لەسەر ئەم بنەمایە لەپێشدا هێزەكانی گەریلا و پارتەكەمان، بەپێشەنگایەتی ژنان و گەنجان، بانگەوازی لەگەلەكەمان، گەلانی توركیا و رۆژهەڵاتی ناوین و دۆستانمان، دیموكراتخوازەكان، شۆڕشگێڕان، بزوتنەوەی دژە فاشیستیەكان و دیموكراتیكخوازان لەهەر چوار لای جیهان دەكەین بەبەرخۆدانی سەفەربەری هەمەلایەنە لەدژی فاشیزمی ئاكەپە ـ مەهەپە تێكۆشانیان بەهێزتر و مەزنتر بكەن، سیاسەت و مێشكی قڕكەر و فاشیست لەبەرخۆدانی دژ بەداگیركەری زاپ و ئاڤاشیندا بخنقێنن، یەكی گۆڵان بكەنە ئاستێكی نوێ ئازادی، لەسەر ئەم بنەمایە یەكی گۆڵان بەهێزێكی گەورەوە لەدژی داگیركەری فاشیزمی ئاكەپە ـ مەهەپە سەرهەڵبدەن.
ژ.ت / ح.خ
