لە مەزرای سەرسول لە سنوری گوندی خاشکانی ناوچەی ئەلباک، پۆلیس بۆ دەستگیرکردنی هاوڵاتییەک بەناوی ک.ا چوونە مەزراکە بۆ ماوەیەک تەقەیان بە ئاسماندا کرد و ژنان لە دژی ئەو تەقەکردنە وەستانەوە، بەڵام سەربازان هێرشیان کردە ژنان و لێاندان.
لە مەزرای سەرسول لە سنووری گوندی خاشکان لە ناوچەی ئەلباک لە پارێزگای وانی باکووری کوردستان، پۆلیسی جوڵەی تایبەت بۆ دەستگیرکردنی هاووڵاتییەک بە ناوی ک.ا چوونە مەزراکە و بۆ ماوەیەک تەقەیان بە ئاسماندا کرد. ژنان لە دژی ئەو هەڵسوکەوت و تەقەکردنە زۆر و نابەجێیانە ناڕەزایەتییان نیشاندا، سەربازانی دەوڵەتی تورکیش لە بریی گوێدانە ناڕەزایەتیی هاووڵاتییان دەستیان بە لێدانی ژنان کرد.
لە گرتە ڤیدیۆییەکی ئەو ڕووداوەدا دەبینرێت، چەندین پۆلیسی جووڵەی تایبەت گەمارۆی ماڵی ک.ا - یان داوە و تەقە بەئاسماندا دەکەن و بە هەڕەشە و گوڕەشە و توندوتیژی ک.ا دەستگیر دەکەن.
ژ.ت
