قڕكردنی ژینگه له كوردستان به‌رده‌وامه
جاشه‌كان تائێستاش له ژێر چاودێری سه‌ربازه‌كان له جودی و به‌ستا داره‌كان ده‌بڕنه‌وه و هاتوچۆ له گونده‌كانی ئاڤگاماسیا، سه‌رێده‌لی و شلێریتێ قه‌ده‌غه‌یه.
له چیاكانی جودی و گابار و هه‌رێمی به‌ستا جاشه‌كان هێشتاش داره‌كان ده‌بڕنه‌وه.
له جودی له به‌ناڤیا و نێڤایا، له به‌ستاش له هه‌رێمی كه‌نگێ گێرێ شێڤێ تا چه‌می مه‌زن و هه‌رێمه‌كانی بیرا پێشوو، ریشو، ریسور، شه‌ره‌ڤان، قورتێكا پێشی، تێكه‌را و كانیا میر دارده‌بڕدرێنه‌وه.
دروستكردنی قه‌ره‌قۆڵ به‌رده‌وامه
راگه‌یه‌نرا كه له ده‌ڤه‌ری بیرا پێشووی به‌ستا، داره‌كانی خه‌ڵكیش ده‌بڕدرێنه‌وه و جاشه‌كان هه‌ڕه‌شه‌ی سوتاندنی داره‌كان له خه‌ڵك ده‌كه‌ن.
دروستكردنی قه‌ره‌قۆڵ له هه‌رێمی كانی میری به‌ستا كه ده‌ستیپێكردبوو به‌رده‌وامه..
راگه‌یه‌نراوه، كه ئه‌و دارانه‌ی بڕدراونه‌ته‌وه له گوندی ناڤیا و ملا كێری كۆكراونه‌ته‌وه و له‌وێشه‌وه به بارهه‌ڵگر باریان ده‌كه‌ن و ده‌یانبه‌ن بۆ ده‌ره‌وه‌ی شار ده‌یانفرۆشن.
هێرشی سه‌ربازی به‌رده‌وامن
هێرشی سه‌ربازی له جودی كه ده‌ستیپێكرابوو به‌رده‌وامه. به هۆی شه‌ڕه‌وه له ١٠ی گوڵانه‌وه هاتنه ده‌ره‌وه و چوونه ناوه‌وه له گونده‌كانی ئاڤگاماسیا، سه‌رێده‌هلێ و شلێریتی شڕنه‌خ قه‌ده‌غه‌یه.
هـ . ب
