بافڵ تاڵەبانى لە ٣٦ـەمین ساڵیادى کیمیابارانکردنى هەڵەبجە پەیامێکى بڵاوکردەوە و تێیدا ئاماژەى بەوەکردووە، كوردستان پێویستی بە یەکڕیزی و یەکگرتووییە نەک ترازان و دوورکەوتنەوە، دەشڵێت، لەبیرمان بێت وەک کورد یەک چارەنووسمان هەیە.
بافڵ تاڵەبانى سەرۆکى یەکێتیی نیشتمانیی کوردستان (یەنەکە) لە ٣٦ـەمین ساڵیادى کیمیابارانکردنى شارى هەڵەبجە لەلایەن ڕژێمى بەعسەوە پەیامێکى بڵاوکردەوە.
سەرۆکى یەنەکە لە پەیامەکەیدا باسى لەوەکردووە، كوردستان پێویستی بە یەکڕیزی و یەکگرتووییە نەک ترازان و دوورکەوتنەوە.
ئەوەشى خستووەتەڕوو، دەبێت جیاوازییەکان بخەینە خزمەت بەرژەوەندییە هاوبەشەکان و لەبیرمان بێت وەک کورد یەک چارەنووسمان هەیە.
ئاماژەى بەوەشکردووە، دەبێت بەرپرسیارێتی بەرامبەر خاک و نیشتمان، جێگەی بیری جیاکاری بگرێتەوە و خزمەتگوزارییەکان بۆ هەمووان بێت.
هـ . ب
