نوێنەرانی دەم پارتی، پارتی هەرێمە دیموکراتیکەکان (دەبەپە)، عەدالەت کایا، مەراڵ دانێش بشتاش و سیاسەتمەداری کورد گۆڵتان کشاناک و کۆمەڵەی یەکگرتوویی و کەلتووری، هاوکاری و یارمەتی بنەماڵە و کەسوکاری ئەوانەی کەسوکاریان لە لانکەی شارستانیەتدا بێسەروشوێن کراون (MEBYA-DER)، بەشدارییان لە مەراسیمی یادکردنەوەکەدا کرد.

دوای ساتێک بێدەنگی بۆ گیانبەخت کردووانی تێکۆشانی ئازادی و دیموکراسی، عەباس شاهین، هاوسەرۆکی دەم پارتی شاری ئامەد، ڕایگەیاند کە ٣٣ ساڵ بەسەر کوشتنی ڤەدات ئایدین تێپەڕیوە و جەختی لەوە کردەوە کە ئەم کوشتنانە دەرئەنجامی عەقڵیەتی تاریک پەرستانە.

وەیسی ئایدن برای ڤەدات ئایدن بە بۆنەی جەژنی قوربانی ئەمساڵ هیوای ئاشتییەکی شەرەفمەندانەی خواست و وتی: "تێکۆشانی گەلی کورد لە قۆناغێکی گرنگدایە. با خوێنڕشتن بوەستێت و ئاشتییەکی شەرەفمەندانە دروست بێت."

مەراڵ دانیش بشتاش، ئەندامی پەرلەمان لە دەم پارتی ئەرزروم، بە ئاماژەدان بەو بڕیارەی کە لە دۆسیەی تاهێر ئێڵچی دراوە، وتی: "ئەوان ناتوانن بڵێن فیشەکێکی نەناسراو هەڤاڵانی ئێمەی کوشتووە. بەم قسەیە بڕیاریان داوە بکوژانی تاهێر بێتاوان دەرچن. ئەم عەقڵیەتە وەهایە سەرەتا دەکوژێت و دواتر بکوژ بێتاوان دەکات. ئەمڕۆ ئاکەپەیە، سبەی ڕەنگە حزبێکی تر بێت، بەڵام ئەم عەقڵیەتە ناگۆڕێت."

هەروەها گۆڵتان کشاناک، سیاسەتمەداری کورد لە کاتی دانانی چەپکە گوڵ لەسەر گۆڕەکەی ڤەدات ئایدین وتی: "ڤەدات ئایدین لە کاتێکی تاریکدا کوژرا. هیوامان ئەوەیە ڕۆژێک لێرە مژدەی ڕۆژانی ڕووناک بدەین. ئەوەی ڤەدات ئایدین شایانیەتی."

یادەکە دوای نزا کردن کۆتایی هات.